Beste kirolak
Igeriketa egokitua
EITB MEDIA
Donostiarra S8 erako 100 metroko bizkar estiloan gailendu da, eta txapelketan lortzen duen bigarren domina da, igandean brontzea irabazi baitzuen.
Iñigo Llopisek urrezko domina bereganatu du Madeiran (Portugal) jokoan den igeriketa egokituko Europako txapelketan. Donostiarrak erakustaldia eskainita lortu du garaikurra, eta, hartara, Tokioko Paralinpiar Jokoetan goiko postuetan izateko lehian egon daitekeela baieztatu du.
Isaac Pousadak entrenatzen duen eta Basque Team Fundazioaren beka jasotzen duen donostiarrak ez du hutsik egin; itsaspeko luze bat eta irteera gogor baten ostean, lasterketa buruan joan da lehen 50 metroetan, eta norabidez aldatzeko bira egin ondoren, Bohdan Hrynenko ukrainarrak mehatxu egin arren, buruan jarraitu du, urrea eskuratu arte, 1:06.09ko denbora eginda. Marka horrekin, gainera, Espainiako marka berria ezarri du. Sergio Martos valentziarrak osatu du podiuma.
Astelehen honetako domina igandean, S8 estilo libreko 400 metroko proban, lortutako brontzezkoari gehitu behar zaio.
Hurrengo zuzenekoak
09 | 11:25 - 12:00 | ''HELMUGA'' saioa |
05 | 12:00 - 14:00 | PALA | Emakumezkoen Larruzko Pilotako VI Bizkaia Paleta Txapelketa (Finala): Irazustabarrena-Galdos vs N. Martin-Gorostiaga |
05 | 12:45 - 18:00 | TXIRRINDULARITZA | Italiako Giroa: Bigarren etapa |
05 | 17:15 - 20:00 | PILOTA | Buruz Buruko Txapelketa: Elordi vs Ezkurdia |
06 | 23:15 - 00:15 | AREA TXIKIA | Eibar vs Amorebieta partidako laburpena |
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa