Garbiñe Muguruza, urteko jokalaririk onena

Garbiñe Muguruza 2017ko Jokalaririk Onena izendatu dute WTAn. Aurten, eusko-venezolarrak bere bigarren Grand Slama irabazi du Wimbledonen, eta munduko ranking-eko lehenengo postuan egon da.

WTAko presidente Steve Simon eta Lindsey Davenportek eman diote saria Muguruzari, WTA Finals txapelketaren aurkezpen ekitaldian. Singapurren ospatuko den torneoak denboraldiko zortzi tenislari onenak bilduko ditu.

"Sari berezia da, nazioarteko kazetariek bozkatu dutelako, eta ilusio handia egiten dit", esan du Muguruzak.

WTAk ere Martina Hingis suitzarra eta Chan Yung-Jan txinatarra sartidu ditu, deboraldiko bikoterik onena bezala, eta Roland Garrosen irabazle Jelena Ostapenko letoniarra, gehien hobetu den tenislari bezala.

Catherine Bellis eta Sloane Stephens estatubatuarrak ere sarituak izan dira, denboraldiko ustekabe eta itzulerarik onenak.