Muguruza banakakoan kanporatu dute baina binakako finalean izango da

Garbiñe Muguruzak galdu egin du WTAko Masterseko finalerdietan eta txapelketatik kanpo geratu da. Agnieszka Radwanska poloniarra gailendu zaio Muguruzari hiru setetan: 6-7, 6-3, 7-5.

Garaipen honi esker, Radwanskak aspalditik esperotako mendeakua hartu du, Muguruzaren aurka jokatutako azken lau partidetan galtzaile atera baita. Hala ere, Garbiñek lanak eman dizkio partida osoan.

Poloniarrak Petra Kvitova txekiarraren aurka neurtuko ditu indarrak finalean. Kvitova 6-3 eta 7-6 (3) gailendu zaio beste finalaurrekan Maria Sharapovari.

Binakako finala jokatuko du

Buruz burukoaren arantza ateratzeko aukera izango du binakakoan, euskal jatorrizko tenislariak finala jokatuko baitu Carla Suarez kanariarrarekin batera. Biak Andrea Hlavackovri eta Lucie Hradeckari gailendu zaizkie finalaurrekoan 7-6(6) eta 6-0.

Martina Hingis suitzarra eta Sani Mirza indiarra izango dira euren aurkariak finalean.