Orio eta Arraun Lagunak nagusitu dira 2025eko Espainiako traineru txapelketan

Orio, gizonezkoetan, eta Donostia Arraun Lagunak, emakumezkoetan, nagusitu dira Espainiako txapelketan, Castro Urdialesen jokatutako estropadetan.

"San Nikolas" ontziak pronostikoak bete ditu, eta A Finala irabazi du 19:36.34ko denborarekin. 5 segundo atera dizkio bigarrenari, Zierbenari (19:41.54) eta 14, berriz, podiuma osatu duen Donostiarra ontziari (19:50.67). Bermeo (19:57.29) izan da laugarren, eta Chapela (20:30.59), bosgarren.

B Finalean, Koxtape Pedreña, Astillero, Castropol eta Castreña baino azkarragoa izan da.

1:14

Espainiako traineru txapelketa ere, Oriorentzat

Emakumezkoen finalean, bestalde, gipuzkoarren nagusitasuna berretsi du Espainiako LXXVIII. Txapelketak, Donostia Arraun Lagunak (10:35.25) Tolosaldearen (10:40.93) eta Hibaikaren (10:53.99) aurretik iritsi baita helmugara. Laugarren postua, berriz, Astillerok eskuratu du (11:03.49) eta bosgarrena Zarautzek (11:05.58).

1:11

Arraun Lagunakek irabazi du Espainiako traineru txapelketa