EPOa zuen pakete bat bidali zuen Kordobako botikariak Bermeora

Goizeko bederatzi eta laurdenetan deituta zeuden Estrobo izena eman zaion auzian akusatuta daudenak. Lan eskerga izango du epaileak hamar akusatuen deklarazioak aztertzeko, lehenengo egunean adierazpen garbirik ez baitute utzi.

Borja Garai sendagilea izan da aurrenekoa akusazio partikularrari, fiskalari eta epaileari erantzuten, eta gainontzekoek bezala salaketa guztiak ukatu ditu. Azken txandan Josu Zabalondo, Urdaibaiko presidentea zena, Jose Manuel Francisco entrenatzaile ohia eta Marcos Maynar, ustez aholkuak eta erabakiak ematen zituen sendagilea. Denek ukatu dute leporatzen zaiena, eta inork ez omen zekien zer iristen zen fardeletan Bermeoko klubera.

Teresa Mesak Kordobako botikariak, bestalde, onartu du sustantzia dopatzailez betetako hiru fardel bidali zituela Bermeora Josu Zabalondo presidentearen izenean.

2010eko Kontxako Bandera

2010ean Kontxa irabazi ondoren Jose Luis Kortak sustantzia debekatuak erabiltzea leporatu zion Bermeoko klubari eta harrezkero fiskala ikertzen hasi zen. Horren ondorioa aste honetan ikusten ari garan epaiketa. Goiz eta arratsaldez arituko dira azalpenak ematen, ostiralera arte.