TKEko epaileak Iker Imaz arraunlariaren kalifikazioa zuzendu du

EITB MEDIA

Harrobiko arraunlaritzat hartzeari utzi dio, eta Eusko Label Ligako lehen bi jardunaldietan zenbait klubek aurkeztutako inpugnazioak ebazteko zain geratu da.

Orria entzun Orria entzun

Donostiarrako arraunlariak, lanean. Argazkia: EITbren bideo batetik hartutako irudia

Whatsapp
Whatsapp
twitt
Bidali
Esteka kopiatu

Albisteak (2)

Bideoak (2)

TKEk astelehen honetan argitara eman du Andreu Camps Lehiaketako Epaile Bakarraren ebazpena, Kaiarriba klubak Iker Imaz arraunlariaren izaerari buruz egindako eskaerari erantzuten diona.

Horrenbestez, epaileak zuzendu egin du aipatu arraunlariaren kalifikazioa, eta propioa izatera igaro da, Kaiarriban "hiru urtez jarraian arraun egiteagatik", eta, ondorioz, harrobikoa izateari utzi dio (hala ageri zen orain arte Eusko Label Ligako denboraldi honetarako onartutako zerrendetan).

Ebazpen hori berretsi ondoren, epaileak zenbait klubek txapelketako lehen bi jardunaldietan, hots, Bilboko estropadan eta Donostiakoan, aurkeztutako inpugnazioak ebatzi beharko ditu, Donostiarrak arraunlari hori harrobiko gisa erabili baitzuen orduko horietan.