DJ lehiaketa | EITB Gaztea
DJ Lehiaketa
Lehenengo fasea, bukatuta
LUZIA ZUGADI | EITB.EUS
Epaimahaikideek astebete dute orain bozketa fasera igaroko diren disko-jartzaileen lanak aukeratzeko. Ekainaren 7tik 14ra egingo dugu bozketa.
DJ Lehiaketaren hirugarren edizioaren lehen fasea bukaerara iritsi da. Gauerdian amaitu da, hain zuzen, saioak bidaltzeko epea, eta guztira ia 50 lan jaso ditu, zein baino zein landuagoa. Epaimahaikideek lan nekeza dute, beraz, hurrengo egunetan. Izan ere, astebete izango dute bozketa fasera igaroko diren disko-jartzaileen saioak hautatzeko.
Epeak
Bozketa ekainaren 7an hasiko da. Hala, hilaren 14ra arte, zuen botoek erabakiko dute Entzuleen Saria norentzat izango den, baita finalean zein artista lehiatuko den ere.
Dakizuenez, lau finalista egongo dira finalean. Bozketa fasean sailkapeneko lehen postuan geratu den disko-jartzailea zuzenean sailkatuko da, eta beste hirurak epaimahaikideek aukeratuko dituzte. Donostiako Dabadaban egingo dugu finala, ekainaren 22an.
Sariak
Epaimahaiaren Sariak 1.000 euro emango ditu dirutan eta 500 euro materialean, eta Entzuleen Saria eskuratzen duenak 500 euro eramango ditu dirutan eta beste hainbeste jasoko du materialean.
Eskerrik asko parte-hartzaile guztioi eta zorte on!
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.