Prestaketa

Tomate konfitatua prestatzeko, zartagian tipula zatitua eta olio pixka bat jarri. Tomateak zuritu eta zati ez oso handietan ebaki. Zatiak zartagian ipini eta azukrea eta gatz apur bat gehitu. Nahi izanez gero, bukaeran, albaka pixka bat bota.

Uraza garbitu. Pasta lapikoan egosi. Otarrainxkak zuritu eta frijitu eta olio berean pasta salteatu.

Platerean, molde bat erabiliz, tomate konfitatu geruza fin bat jarri eta honen gainean, uraza pixka bat. Ondoan, otarrainxkak eta pasta jarri.

Azkenik, uraza ozpin-olioaz gozatu eta, nahi izanez gero, erremolatxa-ernamuin sorta bat jarri.