Prestaketa

Gonbidatua: Lierni Goikoetxea, Askora catering eta zerbitzu enpresa donostiarreko kidea.

NOLA EGIN?

- Tomatea ur berotan sartu.

- Atuna txikitu.

- Tomatea uretik atera eta azala kendu eta xerratu.

- Txikitutako atunari, 4 sesamo olio koilarakada, soja saltsa eta lima zukua gehitu. Eta hozkailuan sartu ordu erdiz.

- Hozkailutik ateratzerakoan, molde baten laguntzaz hanburgesa forma eman.

Ahuakate maionesa egiteko:

- Arrautza bat, ahuakate zatiak eta lima zukua edukiontzi batera bota. Wasabi pixka bat ere gehitu daiteke. Dena batera dagoenean, ongi birrindu.

Tenpura egiteko:

- Arrautza zuringo bat irabiatu.

- Sifoia erabiliz, ur gasduna irinera bota. Eta arrautza irabiatuta dugunean, irin eta ur gasdunera gehitu. Ondo nahastu.

- Tomate xerratuak saltsan busti eta olio berotan frijitu.

- Hanburgesak ongi frijitu, 2 minutuz.

- Amaitzeko platerera zerbitzatu bakoitzaren gustura. Guk tomate cherry eta olibarekin apaindu dugu platera.