Seigarren etapa honetan 20,6 kilometroko ibilbideari egin beharko diogu aurre. Ibilbide guztiaren erdia burutu dugu jada, eta jakin dakigunez, ekuadorrean egoteak bere alde on eta txarrak ditu; batetik, beste erdia soilik falta zaigu, eta bestetik, giharrek egur ederra daramate gainean. Beraz, dosifika dezagun!

Paraje ikusgarriez inguraturik San Jaume zubia gurutzatu eta aldapa gora egingo dugu aurrera. Bidean murgilduta, 14. kilometroraino gorantz egingo dugu 2.600 metroko garaierara iritsi arte. Beraz, aldapa luzea dugu aurretik. Behin hau igarota, arnasa hartzeko tartea izango dugu helburu dugun Biadosera; 6,6 kilometroko jaitsiera dago.