Pallar Sobirà eskualdean eta Lleidan kokatuta dagoen Espot herritik abiatu eta 13 kilometroko tarteari ekingo diogu 2.600 metroko garaierara iritsi arte. Espreski, Aiguestorteseko Parke Naturalean barrena murgilduko gara etapa honetan, Pirinioen bihotzean kokatuta dagoen toki magiko honetan; 3.000 metrotik gorako mendian gaude eta Kataluniako eta estatuko parkerik politenetako bat da. Ibilbide honetan, ordea, tentuz ibili beharra dago, markei ondo erreparatuz; ostera, galtzeko arrisku handia baitago.

Mont Casoko putzura heldu eta 26,5 kilometrora dagoen ‘Gailurra Xtreme’ko anoa-posturaino hainbat aldapa eta jaitsiera igaro beharko ditugu. Bertatik, 2.350 metrotara igaro beharko gara eta handik abiatuta 5 kilometroko jaitsiera izango dugu geure helmuga den Conangles herrira iritsi arte.