"Baserria"ko Chatbotean zein aplikazioko lehiaketetan parte hartzeak saria du astero!

"Baserria" saioko bigarren edizio honetan parte hartzeko ekimen ugari ditugu. Horietako batzuk, "Baserritar Onena" eta "Kaletar Onena" aukeratzeko lehiaketa eta "Baserria Quiz" galdetegia, saioaren aplikazioan aurkituko dituzue beste hainbat eduki esklusiborekin batera. Eta "Baserria"ko sareetan murgilduz gero, "Baserria Chatbot"a izango dugu, programaren jarraitzaileek BaserriaEITB Facebooken eta Baserria_EITB Instagramen jokatu ahal izango duten joko digital interaktiboa.

Bada, horietan guztietan parte hartzeak saria du astero. Hala, ekimen bakoitzean parte hartzen duten jarraitzaileen artean Lacor etxeko sukaldeko tresnak zozkatuko ditugu. Ogia egiteko makinak, zigilatze makinak, zartaginak eta lapiko programagarriak banatuko ditugu. Eta Chatbotaren kasuan, amaieran, sari potolo bat izango dugu, GoPro kamera bat hain zuzen.

Irabazleen izenak "Baserria Zuzenean" saioan, APPan edota "Baserria"ko webgunean jakinaraziko ditugu. Animatu, jaitsi appa zure mugikorrera eta jarraitu Baserriako sare sozialak!