'EiTB Focus Berezia' Xabier Lapitz eta Arantza Ruizekin, gaur gauean, ETB2n

Gaur gauean, EiTB Focus inkestaren azken alearen datuak aztertuko dituen saio berezia gidatuko du Xabier Lapitzek, Arantza Ruizek lagunduta. Gizaker enpresak egindako inkestak euskaldunen boto-asmoari eta iritzi publikoari buruzko datuak eskaini ditu oraingo honetan.

Politikari eta kazetari mahai bana osatuko dute. Lehenengoan, Joseba Agirretxea (EAJ), Iker Casanova (EH Bildu), Lander Martinez (Elkarrekin-Podemos), Sonia Castelo (PSE-EE) eta Cristina Ruiz (PP) egongo dira. Bigarrenean, Javier Vizcaino, Eva Domaika, Josean Izarra, Guillermo Nagore, Iñaki Soto, Danilo Albín eta Pedro Gorospe.

Oraingo honetan, legealdiaren erdian, Euskadiko eta Nafarroako udal eta foru hauteskundeen boto-asmoaz galdetu du EiTB Focusek. Gainera, erakundeen balorazio orokorra eskaini du, ETAren armagabetze prozesuaz aritu da eta egun-eguneko beste gai batzuk aztertu ditu.

'EiTB Focus Berezia' gaur izango da ikusgai, 22:30ean, ETB2n.