Munduko bi txapelketa eta Jon Fernandez, gaur, 'Boxeo Izarrak' saioan

Gaurko 'Boxeo Izarrak' saioak Carl Frampton-Leo Santa Cruz borrokaldiaren inguruan hitz egingo du. Horretarako, Jon Fernandez euskal boxeolaria izango da saioan, Framptonekin sparring lanetan ibili delako azken asteotan.

Ondoren, Lee Selby eta Eric Hunter boxeolarien arteko luma pisuko munduko txapelketa izango da ikusgai. Selby galestarrak 22 borrokaldi irabazi ditu eta bakarra galdu du. Jarraian, Dejan Zlaticanin eta Franklin Mamani protagonista izan zituen pisu arineko munduko txapelketa aztertuko dute. Montenegrokoak 21 neurketa jokatu eta guztiak irabazi ditu. Amaitzeko, Khalid Yafai eta Johnson Tellez boxeolarien arteko norgehiagoka eskainiko dute. Yafai ingelesak ere ez du borrokaldirik galdu orain arte.

'Boxeo Izarrak' saioa gaur gauean izango da ikusgai, 00:05ean, ETB1en.