'Todos Los Apellidos Vascos' saio berriaren estreinaldi arrakastatsua

'Todos Los Apellidos Vascos' saioa arrakastatsu estreinatu zen astelehenean: audientzia buru izan zen ordutegi nagusian, % 17,2ko kuotarekin, eta gaueko bigarren aukerak baino ia hiru puntu gehiago lortu zituen.

Olga Zabalgogeaskoa kazetariak aurkeztuta, hainbat pertsona ezagunen sustraietan sakondu eta euren familiako historia txikien arrastoa jarraitzen du ETBren apustu berri honek. Lehenengo atalak Iñaki Gabilondoren jatorria hartu zuen oinarri, eta 408.000 ikus-entzuleko audientzia metatua lortu zuen Euskadin eta eragin eremuan.

Minuturik ikusienak 210.00 ikus-entzule lortu zituen: Iñakik, hunkituta, bere aitak harakin ofizioan emandako lehenengo pausoak gogoratu zituen unea, hain zuzen ere. Halaber, saioaren amaieran, ustekabe atsegina hartu zuen Gabilondok, bere arbasoak Agirre lehendakariarekin ahaidetuta zeudela jakitean.

Datorren astelehenean, 'Todos Los Apellidos Vascos' saioaren ikertzaile taldeak Iñaki Lopez aurkezlearen jatorria eta sustraiak arakatuko ditu.