Martxan da 'Atrápame si puedes' lehiaketan parte hartzeko castinga

ETB2ko 'Atrápame si puedes' lehiaketa berriak martxan jarri du lehiakide castinga, eta parte hartu nahi dutenek atrapamesipuedes@eitb.eus helbidera idatzi beharko dute. Galderak eta erantzunak izango dira lehiaketa berriaren oinarria eta lehiakideek, egunero, diru kopuru handia irabazteko aukera izango dute. 'Rompecabezotas' eta 'Date el Bote' saioen sortzaileen proposamen berria da 'Atrápame si puedes' lehiaketa, eta Patxi Alonso aurkezleak gidatuko du.

Oso lehiaketa erraza, azkarra eta dibertigarria izango da, eta edonork izango du parte hartzeko aukera. Saioak ez du "jenio" handirik bilatzen, pertsona dibertigarriak nahi ditu, lehiakorrak, eta platoan momentu onak eskaintzeko prest daudenak.

Astean zehar, sei lehiakidek jokatuko dute elkarren aurka astelehenetik ostiralera, eta bakoitzak, egunero, 1000 euro irabazteko aukera izango du. Ostiraletan, astean zehar pilatutako botea izango da jokoan.