Primera Iberdrola 2020-2021

Eibarrek, F Ligako bigarren jardunalditik ez zuenak irabazten, garaipenarekin egin du topo berriro Levante Badalonaren aurka. 0-1 irabazi du Andrea Abigail Alvarezen golari esker.

Amaiur Sarriegik eta Nerea Eizagirrek sartu dituzte Realaren bi golak, lehenengo zatian. Horrenbestez, garaipen hori lortuta, txuri-urdinek bi puntura dituzte Txapeldunen Ligako postuak.

Athleticek 1-0 garaitu du Levante Badalona, aurkari zuzena, Daniela Agoteren golari esker. Aurrelari zuri-gorriak estreinako gola sartu du lehen taldearekin.

Camposek aurreratu du Eibar, baina azken minutuetan Fiammak berdinketa jarri du markagailuan. Hala, puntu bakarrarekin konformatu behar izan dira armaginak.

Armaginek ongi eutsi diete partidako lehen minutuei, baina Poljakek aurretik jarri du Madrilgo taldea. Bigarren zatian, McCoyk etxekoen abantaila handitu du. Camposek sartu du Eibarren gola, luzapenean.

Athleticek 3-0 irabazi dio Betisi Lezaman, F Ligako 9. jardunaldian. Golak Nahikari Garciak (penaltiz), Ane Elexpuruk eta Sara Ortegak sartu dituzte.

Realak 0-1 garaitu du Deportivo Coruñan, partida hasi eta berehala Raquel Garciak bere atean sartutako golari esker. Hiru puntu batuta, txuri-urdinak laugarren posturaino igo dira F Ligako sailkapenean.

Costa Adeje Tenerifek gehiago izan du baloia, baina gol aukerarik garbienak Eibarrenak izan dira. Hala, Mireiak gola sartu du lehen zatian, buruz, baina epaileak baliorik gabe utzi du, jokoz kanpo zegoelako. Azkenean, puntu banaketa izan da Ipuruan.

Gol aukera askoko partida izan da eta bi taldeek egin dituzte irabazteko merituak. Alabaina, azkenean, bina berdinduta bukatu da Realaren eta Madril CFFren arteko neurketa. Nerea Eizagirrek eta Franssik sartu dituzte txuri-urdinen golak.

Eibarrek 0-4 galdu du Bartzelonaren aurka Johan Cruyff estadioan jokatu duen partida. Alexia Putellasek egin du lehen gola, penaltiz, bosgarren minutuan. Vickyk eta Patri Guijarrok bana sartu dute, atsedenaldia baino lehen; eta laugarrena, Ona Batllek egin du, bigarren zatian.

Athleticek berdinketa lortu du Valentziaren aurka Lezaman jokatu den F Ligako 7. jardunaldian. Nahikari Garciak penaltiz sartu du gola, baina Vitoria Almeidak markagailua berdindu du azken minutuetan.

Eibarrek golik gabeko berdinketa lortu du Deportivoren aurka Ipuruan. Lehen zatia oso itxia izan da, eta ia ez da gol aukerarik izan. Bigarrenean, berriz, armaginak hobeto aritu dira, eta hainbat aukera sortu dituzte, baina ez dute ate aurrean asmatu.

Segidan lau garaipen lortu eta gero, Realak galdu egin du Atleticoren aurka Madrilen gaur jokatu duen partida. Madrilgo taldea nagusi izan da lehen zatian, eta atsedenaldia heldu baino lehen sartu du garaipenaren gola.

Irene Oguizak 92. minutuan buruz sartu duen golak eman die garaipena zuri-gorriei. Aurretik, lehen zatian, Clara Pinedok sartu du neurketako lehen gola, eta, bigarrenean, Arene Altonagak lortu du behin-behineko berdinketa armaginentzat.

Clara Pinedok gol ikusgarria sartu du lehen zatian, Athletic aurretik jartzeko. Armaginen berdinketa, berriz, bigarren zatian iritsi da: Ane Altonagak sartu du, area kanpotik jaurtiketa ederra eginda, zelaian sartu eta berehala. 1-2koa, ostera, Irene Oguizak egin du, buruz, luzapenean.

Realak 4-0 irabazi dio Betisi F Ligako 6. jardunaldiko lehia, eta, hartara, lau garaipen bereganatu dituzte jarraian txuri-urdinek, Liga txapelketako lehen bi jardunaldietako partidak galdu bazituzten ere. Amaiurrek (2), Guridik (1) eta Vanegasek (1) sartu dituzte golak.