Atletismoa

10k Bilbao lasterketan, gizonezkoen proban, Mohamed El Ghazouany izan da garaile, 28 minutu eta sei segundoko markarekin. Bigarren eta Espainiako txapeldun, aldiz, Jesus Ramos izan da. Emakumezkoetan Carla Gallardok zeharkatu du lehendabiziko helmuga, 31 minutu eta 57 segunduko denborarekin.

Uliako Gimnastikaren Krosaren 94. edizioa lehiatu da gaur Donostian. Gizonezkoetan, Abdessamad Oukhelfen nagusitu da; emakumezkoetan, berriz, Alicia Berzosa izan da garailea.

Lasterketa 12:00etatik aurrera izango da ikusgai, EITBn. Asteazkenean egin dute probaren aurkezpena; 94. aldiz jokatuko dute, Donostian, eta inoizko parte-hartzerik handiena izango du, 2500 lagunek eman baitute izena.

39 urteko atleta nafarrak 5. maratoia amaitu du gaur, 5. egunez, eta lasterketa guztiak irabazi ditu. Erronka pertsonalaz gain, balentria honen helburuetako bat Menke-Hennekam sindromea ikusgarri egitea da. Gaitz horrek munduan 80 pertsona ingururi eragiten die.

Verdeliss influencerra, 8 seme-alabaren ama eta maratoilaria da. Hainbat erronka egin ditu, baina laster erronka erraldoiari ekingo dio, 7 maratoi korritu nahi baititu 7 egunetan, 7 kontinenteetan. EITB Mediarekin hitz egin du orain arte egindakoari eta aurrerantzean dituen helburuei buruz.

Berihu Aregawik eta Beatrice Chebetek aurreikuspen guztiak bete dituzte LXXXI. Juan Muguerza Nazioarteko Krosean. Iazko garaileak aurten ere izan dira onenak.

Beasaingo lasterketan, Chakib Lachgar izan da gizonezkoetan garaile. Ia hamar kilometroak 28 minutu eta 39 segundoan osatu ditu. Emakumeetan, berriz, Kautar Bulaid izan da azkarrena, helmuga 32 minutu eta 37 segundoan gurutzatuta. Miren Martin izan da lehen euskalduna.

Emakumezkoetan, Majida Maayouf Tisalema Aguraingo ekuadortarraren eta Maria Jose Perez espainiarraren aurretik sailkatu da. Gizonezkoetan, Younes Kniyaren atzetik Grimard belgikarra eta Tugluk turkiarra helmugaratu dira.

Amurrioko Krosaren VI. edizioa aurkeztu dute ostegun honetan. Nazioarteko korrikalari ugarik hartuko dute parte, eta zuzenean ikusteko aukera emango du EITBk, ETB1en eta eitb.eus-en, 12:15ean hasita.

Iñigo Etxeberria Behobia-Donostia lasterketako koordinatzailea pozik agertu da atzoko egunaren balorazioa egiterako garaian. Eguraldia eta giroa lagun izan zituzten.

Lachgarrek hirugarrenez lortu du garaipena, Ruben Morales eta Iraitz Arrospideren aurretik helmugaratuta; Guarnerrek, aldiz, Lorena Plano eta Maitane Melero gainditu ditu azken kilometroan.

27.700 korrikalarik hartu dute parte Behobia-Donostiaren 59. edizioan. Hona hemen maratoi erdi entzutetsuko irudi ederrenekin egindako bilduma.

Iraitz Arrospide atleta gipuzkoarrak hirugarren postuan amaitu du Behobia-Donostia, azken metroetan Ruben Moralesek aurreratu baitu. Edonola ere, egindako lanarekin eta lortutako emaitzarekin pozik agertu da.

Maitane Melero atleta iruindarrak hirugarren postuan amaitu du Behobia-Donostia lasterketa. Lehen aldiz lehiatu du maratoi erdi entzutetsua, eta errepikatzeko gogoz geratu da.

Mireia Guarner atleta katalana pozarren agertu da Behobia-Donostia lasterketa lehen aldiz irabazi ostean. 1 ordu, 13 minutu eta 54 segundo behar izan ditu maratoi erdia egiteko.

Igande honetan jokatuko da Behobia-Donostiaren 59. edizioa. 196 metro gehiago izango ditu, guztira 20.196 metro, eta Behobian hasi eta Donostiako Boulebarden amaituko da. Aurten 27.772 lasterkari arituko dira bertan.

Alazne Mujika izango da Behobia-Donostia lasterketako erbietako bat. Bost Behobia egin ditu dortsalarekin, eta zortzi erbi lanetan. Senarrak ere urtero egiten du; aurten, seme-alabak anoa postuan egongo dira.

100 urte bete dira aurten Aiako Txikia korrikalariak Behobia-Donostia irabazi zuela. Hori ospatzeko, haren familiako 12 kidek hartuko dute parte lasterketan.

Behobia-Donostia lasterketak 27.700 parte-hartzaile izango ditu aurten, eta inoizko edizio gazteena izango dela nabarmendu du antolakuntzak, astearte honetan egindako aurkezpen teknikoan.

Gizonezkoetan ezustekoa eman du korrikalari uruguaiarrak eta Martin Kiprotich herrikidearen eta Celestine Ndikumana Burundiko atletaren aurretik helmugaratu da. Emakumezkoetan, aldiz, Diana eta Sharon Chepkemoi, bi faborito nagusiak, lehenengo eta bigarren izan dira.

Donostiako 68. Krosa egingo da igandean, azaroaren 3an. Lasterketa zuzenean ikusteko aukera izango da, ETB1en eta eitb.eus-en.

Daisy Jepkemei kenyar jatorriko atleta nagusitu da emakumezkoen proban, 24:58ko denbora eginda, Nawowuna eta Niyomukunzi faboritoen aurretik. Gizonezkoen lasterketa Rodrigue Kwizera burundiarrak irabazi du, 25:33ko denbora eginda.

Bilbao Night Marathonak sekulako parte hartzea izan du. Enrique Calvillo cadiztarra nagusitu da gizonezkoetan, 2 ordu, 35 minutu eta 28 segundoan bukatuta, eta Estefi Unzu Verdelissek egin du denbora onena emakumezkoetan, 2 ordu, 55 minutu eta 33 segundoan eginda. Hirugarren maratoia du hiru astean.

Francine Niyomukunzik eta Rodrigue Kwizerak irabazi dute Zornotzako Nazioarteko 70. Krosa, eta bigarrenez jantzi dute biek txapela bertan: Niyomukunzik 2021ean irabazi zuen proba aurrenekoz; Kwizerak, aldiz, 2022an.