Eñaut Saenz de Viterik eta Aiora Diazek, aurtengo Edurne eta Zeledon Txikik, hunkituta eta pozik bizi dute jaitsiera. Kuadrillarekin eta familiarekin ospatuko dute emozioz betetako eguna.

Iñaki Kerejazu, Zeledon, Edurne eta Zeledon Txikiren jaitsierara gerturatu da. Zeledonek jasotzen duen epeltasuna eta maitasuna da berarentzat momenturik politena, eta aipatu du Zeledon izateak ematen dion bozgorailua erabiltzea ezinbestekoa dela.

Donostiako Piratek, Bilboko Konpartsek eta Gasteizko Txosnek agerraldia egin dute Bilbon, "Txosnak arriskuan" ekimena aurkeztu eta gaur egun ezagutzen ditugun txosnak "desagertzeko arriskuan" daudela ohartarazteko. Gainera, maiatzaren 31rako ekitaldi erraldoia iragarri dute, Bilbon.

Zeledonen igoerak amaitutzat eman ditu Gasteizko jaiak, Arabako hiriburuko kaleak girotu dituzten 400 ekitaldi baino gehiago eskaini ostean.

Arabako hiriburuko mugimendu feministak zortzi eraso matxista salatu ditu elkarretaratze batean, jaiaren lehen bost egunetan. Oraingoz, bi bortxaketa salatu dituzte, eta Ertzaintzak ustezko erasotzaileetako bat atxilotu du, 21 urteko gizon bat.

Ostegunean jokatutako finalean, Altuna III.ak eta Rezustak Iñaki Artola eta Ander Imaz hartu dituzte mendean, 22-13. Gorriak gehiago izan dira, eta garaipen argia eskuratu dute.

Neska eta blusa beteranoen eguna dute ostegun honetan Gasteizko jaietan. Aurten ere, agerian geratu da adinak eta ondo igarotzeko gogoak ez dutela zerikusirik. Giro onez ospatu dute eguna hainbat gasteiztarrek.

Hiru urtez jarraian izan zen Zeledon Txiki Endika Saez de Adana, 1998, 1999 eta 2000. urteetan, hain justu. Ongi gogoratzen ditu orduko bizipenak. Bakarrik jardun zuen garai hartan, baina orain, Zeledon Txikirekin batera, Edurne ikus daiteke, gizartea eraldatzen doan adierazgarri.

Alazne Rubiok eta Ioritz Esperantzak 13 urte dituzte. Bata Gautarrak kuadrillakoa, bestea Txolintxokoa, Edurne eta Zeledon Txiki izan dira aurten. Emozioz beterik bizi izan dute esperientzia, eta senitartekoak asko hunkitu direla esan digute.

Etxeko txikienek hartuko dute protagonismo osoa gaurkoan. Hala, Edurneren eta Zeledon txikiren jaitsiera izan da eguerdian. Aurten Alazne Rubiok eta Ioritz Esperanzak haragitu dituzte pertsonaiok.

Altuna III.ak eta Rezustak, asteartean, txapelketako bigarren finalerdian, Javier Zabala eta Julen Martija menderatu dituzte, 22-15. Partidako lehen zatia parekatua izan bada ere, bigarrenean Altuna eta Rezusta argi nagusitu dira. Finala ostegunean jokatuko dute, eta EITBk zuzenean emango du.

Aurten 'Los Alegríos' koadrilak lasterketa dibertigarri hau antolatu du, helmugara onik eta osorik iristea helburu duena. Hala ere, Gautarrak kuadrillako blusa bat belaunean zauritu da, ibilgailua irauli ez dadin saiatu denean.

Gasteizko kuadrillen egun handian murgildu da Malen Altuna. Horietako bakoitzak furgoneta eta musika propioa du. Bideo honetan laburbildu ditugu ibilbide osoan zehar topatu dituen bitxikeriak. Itzela!

Bilboko Erriberan egon arren, Gasteizko Andre Maria Zuriaren jaiak gogoan ditu gure aurkezleak, eta gaurko saioa modu berezian abiatu nahi izan du. Alabaina, jaisteko orduan arazoak sortu dira, eta ez da hain erraza izan.

Artola eta Imazek 22 eta 11 irabazi diete Laso eta Albisuri 2024ko Andre Maria Zuriaren txapelketako lehen finalerdian.

Gasteizko jaietako egun handian, Egunsentiko Arrosarioak milaka fededun bildu ditu. Gainera, blusek eta neskek lore-eskaintza egin eta aurreskua dantzatu diote Gasteizko zaindariari.

Xabi Solano buru duen Esne Beltza taldea agur-biran murgilduta dago 17 urteko ibilbide baten ondoren, eta igande honetan Gasteizi agur esateko txanda izan da, Foruen Plazan eskainitako kontzertu jendetsu batean.

Igande honetan Andre Maria Zuriaren jaiak abiatu aurretik, pregoia irakurri du ostiral honetan, Plaza Berrian, Elisa Rueda gasteiztarrak.

Gorka Ortiz de Urbinak 21 urte eman ditu Zeledon gorpuzten, eta gaur erreleboa emango dio Iñaki Kerejazu gasteiztar gazteari. Andre Maria Zuriaren jaiak hasteko ordu gutxi batzuk falta zirenean, biak elkartu ditugu, Zeledon berriak azken aholkuak jaso ditzan.

Alde Zaharrean hasi eta txosnaguneraino egin dute ibilbidea, eta bertan manifestu bat irakurrita eman diote amaiera mobilizazioari.

Gasteizko alkateak Andre Mari Zuriaren jaiez errespetuz gozatzeko deia egin die gasteiztarrei eta bertaratzen direnei. (Jatorrizkoa gaztelaniaz).

Iñaki Kerejazu gasteiztarrak Gorka Ortiz de Urbinaren lekukoa hartuko du eta Zeledon izango da. Berarekin izan gara Gasteizko Andre Maria Zuriaren jaien bezperetan nola dagoen jakiteko.

Hiriko jaiak direla eta, Gasteizko txistulari kontzertua eskainiko du ETB1ek larunbat honetan, 22:30etik aurrera.

Maider Etxebarria, Gasteizko alkateak, Iñaki Kerezaju Zeledon berriari eman dizkio lanabesak (aterkia eta ardo-zatoa). Kerajazuk Gorka Ortiz de Urbina ordezkatuko du, azken 23 urteetan Zeledon izandakoa.