Mundua -
Bin Laden hil dute
Bin Ladenen ustezko gorpuaren argazkia faltsua da
Fotomuntaketa Geo telebista-kate pakistandarrak zabaldu du, baina ondoren nazioarteko hedabideetan ere publikatu dute. Irudi faltsua iazko azarotik dago Interneten, gutxienez.
Erredakzioa
Barack Obama AEBetako presidenteak Osama Bin Ladenen heriotza baieztatu eta ordu gutxira, ''Geo'' telebista-kate pakistandarrak ustezko gorpuaren argazki bat zabaldu du.
Irudia nazioarteko hedabideetan ere jaso dute, baina orduek aurrera egin ahala gehienek kendu egin dute, faltsua izan zitekeen zurrumurruak baitzeuden.
Azkenean, argi geratu da argazkia fotomuntaketa dela, eta Bin Ladenen aurpegiaren benetako argazki bat oinarri hartuta egin zutela.
Gainera, Window To Palestine blogean egiaztatu daitekeenez, irudia gutxienez iazko azarotik dago Interneten.