Faktoria
Hezkuntza digitalizazioa
Nagore Telleria Eizagirre | EITB Media
PISA txostenetan irakurketa eta ulermenean ikasleek izandako beherakada zuzenean digitalizaziorekin lotu du Telmo Lazkano adituak. Klasean hamabi ataza zabalik izaten dituztela dio Esti Urizar Ondarroako Zubi Zahar Ikastolako zuzendariak. Ikasleek aitortu dute klasean youtuben zer ikusi duten.
Eskola umeak ariketak tabletean egiten
Konpetentzia digitalak eta irakasgaiak digitalki erakustea nahastu ditugula uste du Telmo Lazkanok. Digitalizazioan gehien inbertitu zuten Europa Iparraldeko herrialdeak ikasleen errendimenduaren beherakadaren aurrean deshazkundea abiatu dutela dio. Suedian edo Estatu Batuetako eskola batzuetan lehen hezkuntzatik pantailak atera dituztela kontatu du eta Frantzian eztabaida sutsu batean daude. Altxa Buru gurasoen taldeek Euskadiko eskoletara ere eraman dute beren kezka eta Ondarroako ikastolako zuzendariak kontatu digu beraiek ere bide hori nola urratu aztertzen ari direla. Hasieran smartphonen erabilera atzeratzeko ahaleginarekin hasi ziren, baina orain gela barruko pantailen erabileraz hausnarketan ari dira.
Gehiegizko digitalizazioak komunikazioa eta hizkuntza kaltetzen dituela azaldu du Telmo Lazkanok, eta ez hori bakarrik, etengabe bideo motz eta hutsalak ikusten jarduteak kontzentratzeko ezintasuna eragiten duela. Enpresa digitaletako buru askok, Kaliforniako Wardorf Of Peninsula eskolara eramaten dituzte beren semealabak eta han, haurrak letra etzanez idazten jartzen dituzte, ez berez etzandako letretan idazten ikasteko premia dutelako, kontzentratzeko abilezia lantzeko baizik.
Irratia zuzenean
Euskadi Irratia Entzun zuzenean Radio Euskadi Entzun zuzenean Radio Vitoria Entzun zuzenean Gaztea Entzun zuzenean EITB Musika Entzun zuzenean EITB Euskal Kantak Entzun zuzenean
emanaldi bereziakRadio Euskadi + Entzun zuzenean Entzun zuzenean Radio Vitoria + Entzun zuzenean
orain albiste
albisteak
albisteak
albisteak
albisteak
albisteak
Kirola
kultura
Azken audioak
2024/05/20
Katedra 8:13
2024/05/20
Katedra 7:56
2024/05/20
kultura.eus 28:47
2024/05/20
#-goizak_gaur_1400-# 30:48
2024/05/20
Kirol Legez 27:53
2024/05/20
Goizak gaur 30:53
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa