Langabezia subsidioaren inguruan akordioa erdietsi dute Espainiako Gobernuko Lan Ministerioak eta UGT eta CCOO sindikatuek, CEOE eta Cepyme patronalen babesik gabe.

Carolina Perez Toledo CEBEKeko presidenteak "ETAren mehatxuagatik joan ziren pertsonak, familiak eta enpresak aitortzeko eta erakartzeko plan bat" bultzatzeko eskatu dio Eusko Jaurlaritzari. "Oraindik ez da berandu ahaztutako kolektibo garrantzitsu honekin justizia egiteko", adierazi du.

Murrizflazioak indarra hartu du: supermerkatuetan, asko dira prezioari eutsi baina kantitatea murriztu duten produktuak. Ostalaritzan, pintxoak edota edalontziak txikiagoak dira orain. Eta badira osagai merkeagoak erabiltzen hasi diren produktuak, prezio berean.

Azkenean elkarrizketa sozialeko mahaitik atera den langabeziagatiko sorospenaren erreformak zenbait berrikuntza dakartza urtarrilean Kongresuak bertan behera utzi zuenarekin alderatuta, besteak beste, langabeziagatiko laguntzak lanpostu batekin bateragarri egiteko arau berriak.

Horretaz gain, pertsona bat erreskatatu eta ospitalera eraman dute, hanka hautsita eta hainbat kolpe zituela. Madrilgo Udaleko suhiltzaileak lanean ari dira harrapatuta geratu diren bi lagunak erreskatatzeko, baina eraikina ez dago egonkor.

Zazpi milioi kilo antxoa deskargatu dira orain arte euskal portuetan, iazko bikoitza.  Hala ere, Ondarroan ezin izan dute ezer saldu, kaxa faltagatik. Lonjan saldutako arraina geroz eta urrutiago doa eta ez dira garaiz bueltatzen.

Dozenaka atxiloketa izan dira gaur Frantzian, Maiatzaren Lehenaren harira deitutako mobilizazioetan. Liskar larrienak Parisen izan dira: gutxienez 45 pertsona atxilotu dituzte han.

Bizkaiko hiriburura eraman du bere aldarrikapena EHKS kolektiboak Maiatzaren Lehen honetan, eta milaka gazte batu dira protestara, "langile mugimenduaren tradizio iraultzailea aitortzeko eta instituzioetatik kanpo langile boterea eraikitzea aldarrikatzeko".

Frantziako sindikatuek Macronen aurkako beste protesta bat egin dute maiatzaren 1ean. Erretiroaren erreformaren aurkako protesten ostean, aurten soldata igoera eskatu dute sindikatuek.

Intersindikalak deituta, ehunka herritarrek hartu dute parte Lapurdiko hiriburuan egin den manifestazioan. Besteak beste, ondasunen banaketa aldarrikatu eta zerbitzu publikoak indartzeko eskatu dute.

Maiatzaren Lehen honetan mundu osoan egin dituzte mobilizazioak, langileen eskubideen defentsan. Hego Korean, esaterako, milaka eta milaka langile atera dira kalera, eta baketsuak izan dira manifestazioak. Turkian, aldiz, liskar gogorrak izan dira herritarren eta Poliziaren artean.

Hego Euskal Herrian, aldiz, lau sindikatu nagusiek, banatuta, manifestazioak antolatu dituzte euskal hiriburuetan. Ipar Euskal Herrian, CFDT, CGT, FSU, LAB eta Solidaires sindikatuek indarrak batu dituzte Baionan.