Basajaun elkarteko bazkideek astean bitan jasotzen dituzte tuperrak. Gertuko janaria eta kalitatezkoa eskaintzen diete. Energia eta denbora aurreztu, ondo jan, komunitatea sortu eta elikagaiak alferrik ez galtzea dakar ereduak. Grosen, Herreran eta Errenterian dituzte banaketa puntuak.
Malatesta pizza eta garagardo kooperatibaz eta bertan duten eskaintzaz aritu zaigu Aritz Aranguren Iruñeko Txantrea auzotik. Pizza eta garagardo ekologikoak eskaintzen dituzte. Saltxitxa fresko eta Scarmorza pizza nola egiten duten erakutsi digu Lorentzo Nobilik.
Myriam harategi-urdaitegian saltzen dituzten butifarrez aritu zaigu Myriam Murua Donostiako Bretxa merkatutik. Dioenez, bi motatan sailkatu daitezke: freskoak eta egosiak. Horien artean hainbat zapore ezberdinetakoak dituzte salgai, eta hainbat erara kozinatu daitezke.
Sukaldari lanetan aritu da Albina Stardust Donostiako Garraxi tabernan. Aza entsalada beganoa prestatu du Idoia Garciarekin batera. Egunero plater desberdinak prestatzen dituzte Garraxin, barazkijaleentzat eta beganoentzat aukera oso zabala baitago.
Iruñeko Miravalles gozotegiaren historiaz eta bertan eskaintzen dituzten produktuez aritu da Marga Ezkurra Txantrea auzotik. Dioenez, denetariko gozo artisauak prestatzen dituzte, tartean beganoak. Miguel Arpon gozogileak bertako New York roll kubo famatuak nola egiten dituzten azaldu digu.
Maianne Sarriegi Basque Culinary Centerreko ikasleak ikastetxearen berri eman eta La Viña gazta-tarta nola egiten den azaldu digu. Errezeta prestatzeko arrautzak, azukrea, gazta-krema, mascarponea, gari-irina eta esnegaina erabili ditu. Gazta-tarta ezberdinez hitz egin digu.
Ziripot Tabernak duela 44 urte ireki zituen ateak. Ospe eta kalitate handiko pintxoak eskaintzen dituzte; famatuenetarikoa patata tortilla dela azaldu digute.
Lote zehatz horietako produktuak erosi edota etxean dituztenei ez ditzatela kontsumitu aholkatu die Osasun Sailak, eta horiek merkatutik erretiratzeko prozesua martxan jarri dutela azaldu dute.
50 alga mota dira jangarriak Jurgi Arejita Malaespera Txokoko sukaldariak azaldu digunez. Osasungarriak dira, kaltzio asko izateaz gain, digestioan laguntzen dute. Entsaladan, zopan, tenpuratan edota risottoak egiteko erabil daitezke.
Joseba Arguiñanoren hitzetan, 30 minututik gora behar du arroz integralak egosten, arroz zuriak baino gehiago. Integralak zapore gehiago du eta osasungarriagoa da gainera.
Eibarreko Baratze Gourmet-en hainbat plater dastatu ditu Mikel Elizegik. Jatetxeko eskaintzetan sasoiko produktu eta barazkien garrantzia ikusi dugu. Gainera, aurkezleek barazkiekin duten harremana aztertuko du Mikel Elizegik.
Sukaldari zumaiarrak irabazi du ETB 1eko "Sukaldarien Liga" lehen saioa, eta, beraz, pantailen aurrean bizitako esperientziaz eta gaur egun Arzak jatetxean duen lanaz jardun gara Maria Amundarainekin.
Donostiako alde zaharrean dago Kamal Ostreria. Itsaskiak eskaintzen dituzte, olagarroa, txirlak, ganbak, lanpernak… Baina ostrak dira beraien berezitasuna. Sasoi honetan, hiru barietate ezberdin dituzte (Fine de Claire, bereziak eta lauak), baina udan zazpi mota ere izan ohi dituzte.
Maria Amundarain "Sukaldarien Liga" lehiaketaren irabazlea "Biba Zuek!" saioan izan da Euskal Herriko sukaldaririk onenaren saria lortu berritan. Azaldu duenez, irabazlea zela esan ziotenean ezin zuen sinetsi. Dioenez, 25.000 euroko sariaz gain lagun asko eraman ditu saiotik eta asko ikasi du.
Lehiaketa guztian zehar zazpi sukaldaririk onenen artean egon den bakarra da zumaiarra, eta final handiko azken desafioan legatzarekin egindako platerik onena prestatuta eraman ditu etxera 25.000 euroak.
Legatza protagonista zuen plater bana prestatu behar izan dute Oierrek, Mariak eta Enekok finaleko azken desafioan. Algak erabili ditu zumaiarrak legatzarekin kozinatzeko, eta bere platera onena izan da epaileen ustez. Maria da Euskal Herriko sukaldaririk onena eta berak eraman ditu 25.000 euroak.
Nortasunaren proban, Euskal sukaldaritza berriari omenaldia egin diote taldeek hiru plater berrinterpretatuz. Oierren taldeak egin du lanik onena eta, beraz, Oier Bonetbelche, Maria Amundarain eta Eneko Ordorika joango dira azken desafiora.
Zazpi finalistetatik sukaldari amateur bakarra da Ibai Karrera, eta bera gelditu da lehen proban finaletik kanpo. Bere amuarrainaren oreka falta aipatu dute epaileek. Oierizango da bigarren desafioko sukaldariburuetako bat, bere platera onena izan baita.
Julen Baz Garena jatetxeko sukaldariaren errezeta jarraituz, amuarraina urdaiazpikoarekin prestatu behar izan dute zazpi finalistek lehen desafioan. Lagunak eta familiako kideak animatzen aritu zaizkie.
Naiara Gorostiagak Bilboko Bocadero jatetxea aurkeztu digu. Bertako produktu garbiak erabiliz, Beatriz Cantero sukaldariak txerri sahieskia eztia eta pistatxoekin prestatu digu.
Xabier Altunak Urnietako Altuna Sagardotegiaren historia aurkeztu digu. Gainera, aurtengo txotx denboraldiaren inguruan hitz egin digu eta sagardotegiak eskaintzen duen menua ikusi dugu.
Behi azpizuna prestatu du Asierrek 'Birsortzea' izeneko azken desafioan, eta bere platera izan da makalena. Orain arte "Sukaldarien Liga"n erabilitako ahalik eta soberakin gehiago erabiliz, plater bana kozinatu behar izan dute, eta Mariak, Jon Iñakik eta Baladik finalerako txartela lortu dute.
Ibairen taldeak irabazi du 'Haur Festa' izeneko desafioa eta, beraz, Ibai, Jone, Eneko eta Oier dira "Sukaldarien Liga"ko lehen lau finalistak. Jon Iñakik, Baladik, Mariak eta Asierrek azken desafiora joan beharko dute finalerako azken hiru txartelak irabaztera.
Jon Iñakiren taldeak ez du ongi ulertu eta aplikatu proban eskatzen zitzaien kontzeptua, umeentzako erakargarriak diren platerak prestatzea, alegia. Brokoli pasta ez zen haurrentzako oso erakargarria; bai, ordea, Ibairen taldearen gibel nuggetak.
Aurreko astean Mariak osatutako talde bera eratu du Jon Iñakik bigarren desafiorako: Baladi, Maria eta Asier izango ditu taldean. Ibaik, bestalde, Eneko, Jone eta Oier. Taldeak errepikatu dira Eduren ordez Jone jarrita.
'Itsas lurrina' izeneko proban, ostra tartarra txakolin apar eta sagar berdearekin prestatu behar izan dute sukaldariek. Platerik onenak Ibai Goikoetxeak eta Jone Etxaizek kozinatu dituzte, eta Boroa jatetxeko sukaldariarentzat izan da amantal beltza. Ez da kanporaturik egon.
Maialen Caballero 'Mai' tatuatzaile profesionala da gidaria. Sukaldariekin elkartu eta truke bat egiteko asmoa du: plater berezi bat kozinatu beharko diote eta berak tatuaje baterako diseinua prestatuko die. Ausartuko al dira Mairen irudiak tatuatzera?
Taldekako proban, plater batean behi azpizuna egon behar da, bestean eperra eta azkenean gazta urdina. Enkantea egin dute: denboraren truke lortu dituzte osagaien kutxak. Mariaren taldeak osagai hobeak lortu ditu, eta Ibairenak, aldiz, denbora gehiago izango du kozinatzeko.
Amantal beltza jarri duen azken sukaldaria aukeratu du Mariak talde aurkariko sukaldariburu. Enekok dioenez, amateurra izanda zaila egingo zaio hiru sukaldari profesionalen liderra izatea. Edu, Oier eta Eneko izango dira Ibairekin. Mariarekin, aldiz, Asier, Baladi eta Jon Iñaki.
Zainzuri-berde gazpatxoa prestatu dute sukaldariek lehen proban. Aitor Romero joan da etxera, bereak pesto baten itxura gehiago baitzuen epaileen ustez. Ibai Karrerarena izan da onena eta estetikaz oso polita, gainera. Semearen amuletoak lagundu omen dio amantal beltza irabazten.
Maritxu Erbiti Belokik Etxaleku Ostatua aurkeztu digu. Sukaldaritza tradizionalean oinarritzen da eta bereziki aproposa da familiarekin joateko. Antxumea txilindron erara nola prestatzen duten ikusteko aukera izan dugu.
Asiako sukaldaritzan oso estimatua da currya. Hauts, pasta edota pastilla bezala aurki dezakegu. Oinarri bera dute curry ezberdinek, berakatza, tipula, kuminoa, albaka, martorria, intxaur muskatua eta iltzea. Hala, Bilboko Malaesperako Jurgi Arejitak curry berdea erabili du untxia prestatzeko.
Itsas triku royala edo kutxa misteriotsuan zegoen platera (ganba kroketak tartarrarekin) prestatu behar izan dute azken desafioan Oierrek, Zuriñek, Eduk eta Enekok. Zuriñe Berganzo gasteiztarrak egin du platerik txarrena. Oierrek itsas trikua egin du eta Zuriñek; Eduk eta Enekok kroketak.
Bigarren astez jarraian, Mariarentzat izan da sukaldarik onenaren saria. Bere taldearen hamaiketakoa Oierrena baino hobea izan da eta, beraz, Oierren taldea joan beharko da azken desafiora eta Oier, Zuriñe, Edu eta Eneko arriskuan egongo dira.
Oierrek erabaki du tostetan zerealdun ogia erabiltzea, eta epaileek esan dute ogia gainerako zaporeei nabarmendu zaiela, ogia zela protagonista; Oier eta Eneko ez daude epaiarekin ados. Bestalde, croissantak ongi egosi gabe gelditu zaizkie.
Ia beti talde berean egon dira Maria eta Oier, eta zenbait ika-mika izan dituzte. Aurrekoan sukaldari onena izan zenez, Mariak osatu du talde bat eta beste taldeko buru bezala Oier aukeratu du. Mariarekin egongo dira Baladi, Asier eta Jon Iñaki; Zuriñe, Edu eta Eneko, Oierrekin.
Txipiroiz betetako ganba ogia prestatu behar izan dute sukaldariek lehen proban, eta Ishaq Akhond pakistandar-lemoarra kanporatu dute, bere platerean piperra baitzen gehien nabaritzen zena. Jon Iñaki Sorarrain zumaiarrak eraman du amantal beltza aitona-amonei egindako omenaldiarekin.
Gustu guztietarako tortillak egin daitezke, baina patatak, arrautzak eta olioa dira oinarrizko osagaiak. Jatorria XVIII. mendean eta Nafarroan izan dezakeela uste dute.