Hernaniko Udalak egungo kontsumo ereduak eragiten dituen arazoak bideratzeko mahai instituzionala eskatu ondotik, Gipuzkoako sagardogileen elkarteak deitoratu du eurekin kontatu ez izana. Izan ere, kezka partekatzen dute.
Bi herrietako udalek erakunde arteko mahaia eratzeko eskatu diete Aldundiari eta Jaurlaritzari. Bitartean, Zapiain sagardotegiak larunbatetan bazkaririk ez ematea erabaki du.
Jon Zapiainek azaldu duenez, sagardotegi denboraldia sagardoa balioan jartzeko momentua da, eta "bazkariak ematen ez dugu hori lortzen". "Lan handia egiten dugu sagardoa balioan jartzeko, eta atzean dagoen inertzia horrek beldurra ematen du, baina, batez ere, pena ematen dit", gaineratu du.
Txotx garaian azken urteotan izaten den presentzia handiak era guztietako ondorioak sortzen dituela azaldu du Hernaniko alkateak, eta gaiari "modu integralean" eusteko erakunde arteko mahai bat eratzea eskatu du.
Xabier Lertxundiren esanetan, modu integralean eutsi behar zaio gaiari. Sagardogileekin elkarlanean ari dira, baina "herrira heltzen direnak urrunetik egiten dute eta gure eragin eremua gure eskualdera mugatzen da". Horregatik eskatu dute Aldundiarekin eta Jaurlaritzarekin mahai bat eratzea.
Donostian, Errotaburutik Igara bidera aldatu da El Vaskito jatetxea. Iñaki Azkue sukaldariak ireki berri du. Bi espazio bereizten dira: sagardotegia, inguruko sagardogileen sagardoa dastatzeko; eta jatetxea. Bertan, sasoiko produktuak erabiltzen dituzte. Iñakik alkatxofak txirlekin prestatu digu.
Pirinioetako mugaz gaindiko jatorri deitura duen lehen edaria izango da, eta, araudi bera izateaz gain, kudeaketa eta zertifikazioa ere bateratua izatea adostu dute inplikatutako erakundeek. Europar Batasunarekin izapide administratiboak amaitutakoan gauzatuko da integrazioa.
Gipuzkoako sagardo denboraldi berria abiarazteko ekitaldia Astigarragako Alorrenea sagardotegian egin dute, goizean; eta arratsaldean, handik egin dugu "Biba Zuek!" saioa. Garbiñe Etxezarretak eta Jokin Marizkurrenak nola lan egiten duten erakutsi digute.
Unai Agirre Euskal Sagardoa Jatorri Deiturako koordinatzaileak oso argi dauka: txotx denboraldia sagardo ezberdinak dastatzeko eta sagardogileekin hitz egiteko baliatu behar da. Harekin izan gara, eta, besteak beste, aurtengo uztaz eta sagardogintzaren sektoreak bizi duen egoeraz hitz egin dugu.
Iñigo Etxezarretak, En Tol Sarmiento (ETS) talde arabarreko abeslariak, hasiera eman dio Gipuzkoako sagardo denboraldiari. 4 milioi litro sagardo egin dira euskal jatorri izenarekin, aurreko urtean baino bi aldiz gehiago.
Bizio horretan aritzen da: sagar, haran, gerezi ... denak nahastu eta sagardoak egiten dituzte. Kontserbanterik gabeak eta burbuiladunak, eta horregatik txotxik ez egitea gomendatzen dute.
Sagardoaren munduan barneratu gara Astigarragako Sagardoetxean Leire Alkortaren eskutik. Sagastian sagarra biltzeaz gain, antzina baserrietan, tolarean sagardoa nola ekoizten zuten azaldu digu.
Aitor Intxaurraga Laneko kooperatibako gerente eta bazkideak Gizaburuagatik kontatu digu Lea Artibaiko 14 baserritan ekoizten dituzten produktuekin kontserbak egiten dituztela, besteak beste. Sagardoa, sagar dultzea eta bestelako produktu ekologikoak saltzen dituzte, baita otzarak ere.
Andoainen (Gipuzkoa) izan gara Asier Gaztañagarekin, Gaztañaga Sagardotegiaren historiaz hitz egite aldera. Horrez gain, jatetxearen plater berezietako bat dastatzeko aukera izan dugu: otarrainxkak sagardotan. Ikus ezazu!
Gurutzeta sagardotegia José Ángel Goñiren birraitonak zabaldu zuen. 2023. urtean baina proiektu berri bati ekin diote, Txuleta jatetxearekin elkarlanean, Gurutzeta x Txuleta sagardotegia. Bada, Edu Lasarte eta Edu Plaza sukaldariek bakailaoa pil-pilean prestatu digute.
Lehiaren Euskal Agintaritza ikertzen ari da ea Euskadiko Notario Elkargoak eta Euskal Sagardoa Jatorri Deituraren Kontseilu Arautzaileak "prezioen gomendio kolektiboa" egin duten.
Nere eta Ander Lizeagak Gartziategi sagardotegiaren historia azaldu digute, baita zer-nolako eskaintza duten ere. Ohiko menuaz gain, udan bestelako platerak dituzte kartan.
Freskagarriak, garagardoa edota edari energetikoak latatik edatea ez zaigu arrotza egiten, ohikoa baizik, baina zergatik ez edan sagardoa, ardoa edo ura latatik? Tradizioari eutsi nahi diote askok, eta beste batzuek, kontsumitzaileen beharrak asetu berrikuntzen eta formatu berrien bidez.
Duela lau urte hasi ziren Zeraingo sagardotegian sagardoa latan merkaturatzen. Jabea den Haritz Egurenek balorazio positiboa egin du eta etorkizunari begira argi du geroz eta jende gehiagok edango duela sagardoa latan.
Bertsolaria izateaz gain, Unai Agirre hernaniarra Euskal Sagardoa Jatorri Deiturako koordinatzailea da. Gurera ekarri dugu 2023ko Txotx denboraldiaren gainean hitz egiteko. (Elkarrizketa osoa Nahieran)
Oihana Gaincerain "Zelaia" Sagardotegiko jabea da bere bi ahizpekin batera. Euskal Sagardoa Jatorri Deitura Elkarteko lehendakaria ere bada Oihana eta gurean izan da "Txotx" denboraldia ireki berritan.
Bardoze eta Astigarragako bi ekoizle ezagunen artean sortu dute. Momentuz bi zapore dituzte: bata, garagardo zuriarekin egina, eta bestea, gerezi, mugurdi eta Ezpeletako piperrarekin.
Sagardo ekoizpena aurten askoz txikiagoa izan da. Euskal sagardoa izendapenarekin 1,2 milioi litro ekoiztu dituzte, iazkoaren herena. Produkzio kostuak asko igo direnez, bataz beste botillaren prezioa % 25 igoko dela aurreratu dute ekoizleek.
Denboraldiari hasiera emateko ekitaldia Astigarragako Alorrenea sagardotegian egin da. Aurten zutik dastatu ahal izango da, aurreko urteetan baino uzta mugatuagoa eta garestiagoa izango duen sagardoa.
Irekiera ekitaldia gaur egingo dute Astigarragan, eta bihar, berriz, Araban eta Goierrin. Aurten, gainera, bi urteren ondotik, zutik dastatu ahal izango da sagardoa kupeltegietan.
Erreserba egin eta agertu ez diren hainbat adibide jarri dizkigute. Horregatik bost euroko fidantza ordaindu beharko dute bezeroek hainbat sagardotegitan. Fidantza online ordaindu beharko du bezeroak.
Iaz jatorri izeneko euskal sagardoaren 3,5 milioi litro ekoiztu ziren; aurten, ordea, heren bat ateratzea espero dute ekoizleek, 1,3 milioi litro, hain zuzen ere. Hala ere, sagardoa gorputz eta izaera handikoa izatea espero dute adituek.
Ibarra baserriko Jon Bastantek dio otsailetik nabari dutela urtea bero doala. Uda sasoiko barazkiek hezetasuna behar dute. Lehor dira Arabako Errioxako mahastiak ere. Uzta aurreratuta zetorren, baina beroak mahats aleen garapena kolpetik eten du.
Astigarrako Lizeaga sagardotegian egon gara bertan ekoizten duten sagardoa dastatzen. Asier eta bere lehengusuak sagardoa egiten duten 6. generazioa dira eta gaurkoan txuleta on batekin laguntzeko aukera izan dugu.
Osasun neurriak arindu ahala, jendea sagardotegietara joaten hasi dela nabarmendu du Amaia Zubeldia Gipuzkoako Sagardogileen elkarteko kideak. Aipatu duenez, denboraldia apur bat luzatuko dute aurten.
Maite Arregik eta familiak gobernatzen dute Arizia sagardotegia. Hainbat sagardo ezberdin ekoizten dituzte eta sagardotegi-menuaz gain, parrilan beste hainbat produktu prestatzen dituzte.
Aramaioko Iturrieta sagardotegitik etorri da Juanan Aretxaga "Biba Zuek!" saiora. Iturrietako sagardogile izateaz gain, Arabako sagardogile elkarteko presidente ere izan zen.
Urdaira sagardotegiko sagardogile den Ane Azkonobieta ere izan da gaur "Biba Zuek!" saioan. 21 urte dauzkan arren, txikitatik bizi izan da sagardotegi munduan Ane eta nahiko argi dauka etorkizunean ere bertan geratuko dela.
Esteban Lertxundi izan da gaur "Biba Zuek" saioko lehen protagonista. "Saizar" sagardotegiko sagardogilea da Esteban eta bizitza guztia aritu da sagardotegian. Hiru anai dira eta hirurak dabiltza bertan lanean, bakoitzak bere egitekoak dituen arren.
Aurretik, saioaren lehen orduan, sagardogileekin txotx denboraldiari buruz hitz egingo dute. Horretarako, hiru sagardotegitako jabeak izango dituzte gonbidatu.
Diskotekak prestatzen hasi dira datorren astetik aurrera normaltasunera bueltatzeko, edukiera eta ordutegi murrizketak kenduta. Txotxa ere bueltatuko da sagardotegietara.
Neurri murriztaileak bertan behera geratu ostean, Gipuzkoako Sagardogileen Elkarteak jakinarazi du upeletik sagardo berria dastatzeko aukera egongo dela. Hala ere, musukoa derrigor erabili beharko da, jan-edanean izan ezik.