Repelega Lanbide Heziketako zentroaren ekimen bati esker, ikasleek ikuskaritza energetikoak egingo dituzte hainbat eraikin publikoetan, energia-errendimendua hobetze aldera. Ikasle talde batekin Zunzunegi Institutuan izan gara.
Ezarritako epeak betez gero, Aste Santuko oporren astean, herritar asko etxetik kanpo daudenean, helarazi beharko lirateke mahaietan egoteko izendapenak. Hori horrela, kezka azaldu dute hainbat udalek, Portugaletek (Bizkaia) eta Eibarrek (Gipuzkoa) tartean.
Getaria izan da azkarrena, gizonezkoetan, erlojuaren kontra jokatutako saioan, Zierbenaren eta Ondarroaren aurretik. Emakumezkoetan, Orio nagusitu da, Zumaia izan da bigarren, eta Hibaika, hirugarren.
Bloke progresistako zerrenda bozkatuenari, eserleku gehien dituenari, dagokio gobernua osatzen saiatzea, Pello Otxandiano EH Bilduko lehendakarigaiak militanteekin Portugaleten topaketa izan ostean esan duenez.
Pertsona bat harrapatu du metroak Portugaleteko geltokian, eta larrialdi zerbitzuak bertaratu dira. Ertzaintzak ikerketa abiatu du gertatutakoa argitzeko.
Porno zinema ekoizleak leporatzen zizkioten delituak onartu ditu, hots, haur-pornografia banatzea eta edukitzea eta sekretuak ezagutaraztea. Fiskaltzarekin eta akusazioekin akordioa lortu ondoren, espetxea saihestu ahalko du.
09:30etik aurrera, haur-pornografia banatzea eta edukitzea eta sekretuak ezagutaraztea egotzita epaituko dute. Iturri judizialek jakitera eman dutenez, Torbek leporatzen zaizkionak onartzea aurreikusten da, Fiskaltzarekin akordioa lortu ondoren, zigor arinagoa jasotzeko.
Denboraldiko azken asteburuak, halaber, Santurtziren jaitsiera ekarri du. Amaitu egin da lehia, Eusko Label Ligan eta Euskotren Ligan; Urdaibaik eta Zierbenak irabazi dituzte azken bi banderak, Bermeon eta Portugaleten.
Urdaibai hirugarren izan da Eusko Label Ligako El Corte Ingles Banderan, denboraldiko azkenenegoan. Bideo honetan ikus dezakezu arraunlariek nola bizi izan duten estropada ontzi barrutik, EITB Mediaren minikameraren irudiei esker.
Hondarribia bigarren izan da Eusko Label Ligako El Corte Ingles Banderan, denboraldiko azkenenegoan. Bideo honetan ikus dezakezu arraunlariek nola bizi izan duten estropada ontzi barrutik, EITB Mediaren minikameraren irudiei esker.
Emakumezkoen traineru txapelketa nagusia uztailaren 1ean hasi da Galizian, VI. Coruña Hiria Banderarekin, eta abuztuaren 20an amaituko da Zarautzen, Zarauzko XV. Ikurrinarekin.
Gizonezkoen traineru txapelketa nagusia uztailaren 1ean hasiko da Galizian, Coruñako VII. Banderarekin, eta irailaren 17an amaituko da Portugaleten, Corte Ingles Banderaren XLIX. edizioarekin.
San Pedro eta Bueu Eusko Label Ligan arituko dira datorren denboraldian. Pasaitarrak lehen mailara itzuliko dira eta galiziarrak, berriz, lehen aldiz arituko dira onenen artean. Emakumeetan, berriz, Hibaika izan da play-offeko trainerurik azkarrena, eta gipuzkorrek mailari eutsiko diote.
Zierbenak irabazi du Eusko Label Ligako El Corte Ingles Bandera, denboraldiko azkena. Bideo honetan ikus dezakezu arraunlariek nola bizi izan duten estropada ontzi barrutik, EITB Mediaren minikameraren irudiei esker.
Urdaibaik denboraldi borobila egin eta gero, Ander Zabala arraunlariak "datorren urteari begira, taldeari eustea lortuko dugu" adierazi digu, elastiko gorria janzten ari zela.
Urdaibai da 2023ko Eusko Label Ligako txapelduna. Bermeoko taldea hirugarren izan da El Corte Ingles Banderan, txapelketako azken estropadan, baina Bermeoko Ikurriñan utzi zuen erabakita liga. Bideo honetan duzu ikusgai nola jaso duten txapeldunen koroa.
Aitor Lazkano Zierbenako patroiak EITB Mediarekin hitz egin du Bizkaiko taldeak El Corte Ingles Bandera iabazi eta Eusko Label Liga bigarren amaitu ostean. (adierazpenak gaztelaniaz)
San Pedro nagusitu da Eusko Label Ligako play-offeko bigarren jardunaldian, Portugaleten. Bideo honetan ikus dezakezu Errenteriako taldearen estropada, traineru barrutik, EITB Mediaren minikameren irudiei esker.
Bueu laugarren izan da play-ofeko bigarren jardunaldian, baina Eusko Label Ligara igo da bi egunetako markak batuta Lapurdi baino 3 segundo hobea izan delako. Bideo honetan duzu ikusgai Galiziako taldearen estropada traineru barrutik ikusita, EITB Mediaren minikamerako irudiei esker.
San Pedrok Eusko Label ligara igotzea lortu du. Asier Carballeda arraunlariak adierazi duenez, "gaur lortutakoa bizi izan duen kirol ilusiorik handiena izan da". "Jaitsi ondoren zure herriko taldea maila gorenera igo ahal izatea deskribaezina da" adierazi du hunkituta.
Galiziako Bueu ontziak Eusko Label Ligara igotzea lortu du bere historian lehen aldiz. Andres Rios patroia pozarrenagertu da lortutako arrakastaren ondoren.
Portugaleten jokatutako play-offeko bigarren jardunaldian San Pedro nagusitu da eta Lapurdi izan da bigarren. Hala ere, bi jardunaldietako emaitzak kontuan hartuta, talde gipuzkoarrak eta Bueuk lortu dute igoera. Bestalde, Santurtzi KAE1 Ligan lehiatuko da datorren denboraldian.
Hibaika nagusitu da Euskotren Ligako play-offeko bigarren jardunaldian, Portugaleten. Bideo honetan ikus dezakezu Errenteriako taldearen estropada, traineru barrutik, EITB Mediaren minikameren irudiei esker.
Zuriñe Alberdi Hibaikako patroiak EITB Mediarekin hitz egin du play-offeko bigarren jardunaldia amaitu ostean. Errenteriako taldeak Euskotren Ligan jarraituko du, play-offeko bi jardunaldiak irabazita.
Emakumezkoen play-offean Hibaika nagusitu da Portugaleteko uretan; beraz, Euskotren Ligan jarraituko du datorren denboraldian; Zumaia bigarren izan da, eta Kaiku hirugarren.
Eusko Label Ligako play-offeko 1. jardunaldia jokatu da Bermeon, eta Hibaika nagusitu da erlojupeko parekatuan, ia bi segundoko aldea atera dio Kaikuri, eta hiru segundokoa Zumaiako ontziari.
Historian laugarrenez lortuko luke Liga eta Kontxako Bandera denboraldi berean eskuratzea. Eusko Label Ligan, bi estropada gelditzen dira, bata Bermeon eta bestea Portugaleten, eta Urdaibaik bederatzi puntuko aldea du. Halaber, Eusko Label Ligako eta Euskotren Ligako play-offak jokatuko dituzte.
24 urteko gizonezkoak bederatzi atxilotze-agindu zituen. Behin eta berriz saihestu zituen atxiloketak, antza fisiko handia zuen senide baten dokumentazioa erabiltzen baitzuen.
Ingurutik paseoan zebilen herritar batek ikusi du goizean, eta abisua jasota, Gurutze Gorriak atera du uretatik. Ertzaintzak ikerketa zabaldu du heriotzaren nondik norakoak argitzeko.
Kanpainaren itxiera ekitaldian hiru lurraldeetako hautagaiak izan dira, eta aitortu dute sentsazio onekin amaitu dute. Kanpaina osoan zehar aldarrikatu dituzten ideiak errepikatu dituzte: PP eta Voxen elkarlana eta demokrazia eta lortutako eskubide guztiak jokoan daudela.
Behin-behineko ondorioetan, Fiskaltzak zazpi urte eta zazpi hilabeteko espetxe-zigorra eskatu du porno zinemako ekoizlearentzat, ustez grabatu zituen bi adingaberen haur-pornografia banatzeagatik.
Andueza eta PSOE beti bezala gatazka eta 'gerrazibilismoa' sustatzen ari direla adierazi du Carlos Iturgaiz Euskadiko PPren presidenteak. Ilusioaren botoa eskatu eta gogoekin bozkatzen joateko deia egin du Bea Fanjul PPren Kongresurako Bizkaiko hautagaiak.
Gasteizko lehenengo emakumezko alkate bihurtu da Maider Etxebarria. Gainera, feudo sozialista tradizionalei eutsi die PSEk, hala nola, Ermuan, Irunen, Portugaleten eta Eibarren, besteak beste.