Lizarra

Autobuseko gidariak ibilgailuaren kontrola galdu zuen, gasolindegi bat eta zenbait ibilgailu joaz. Haietako batean zihoazen bi haurrak, amarekin batera. Fiskaltzak 3 urte eta 9 hilabeteko kartzela-zigorra eskatu du gidariarentzat. Gidariak argudiatu du autobusa balaztarik gabe geratu zela.

Brandon McNulty nagusitu da 2024ko Miguel Indurain Sari Nagusian. Estatubatuarrak mendean hartu du Maxim Van Gils, bien arteko esprint zirraragarrian. Van Gils izan da bigarren eta Edgar Oscar Only hirugarren. Ion Izagirrek laugarren amaitu du.

Brandon McNultyk (UAE Emirates) irabazi du 2024ko Miguel Indurain Sari Nagusia, martxoaren 30ean, azken txanpara Maxim Van Gilsekin (Lotto Dstny) batera ihes eginda helduta eta belgikarra esprintean menderatuta. Ion Izagirre laugarren izan da.

Datorren martxoaren 30ean Miguel Indurain txirrindularitza Sariaren 25. edizioa egingo dute Lizarran. 22 taldek hartuko dute parte, eta Jon Izagirre egungo txapelduna berriz irabazten saiatuko da. ETB1en eta eitb.eus-en zuzenean izango da ikusgai.

Aldizkariaren arabera, Hegoaldeko zortzi herrik postu bat lortu dute Espainiako 100 herri politenen artean. Erriberri, Otxagabia eta Elizondo dira horietako hiru.

Nafarroako nekazariek euren kabuz antolatutako mobilizazioek Iruñeko saihesbidea (PA30) trabatu dute. Tafallan, Lizarran eta Irunberrin ere arazoak sortu dira.

Erditu behar duten emakumeek Iruñeko eta Tuterako erietxeetara joan beharko dute, Garcia Orkoien ospitaleko zerbitzua behin-behinean itxita dagoen bitartean. Langile faltagatik hartu omen dute erabakia.

Peio Etxeberriak eta Jose Javier Zabaletak estreinako puntua bereganatu dute Binakako Txapelketan, 2. jardunaldian mendean hartu baitituzte Danel Elezkano eta Julen Martija (9-22).

Atzo Urbasan ustez aitak haurra hil zuela jakin ostean, Lizarrako mugimendu feministak elkarretaratzea egin du arratsaldean, indarkeria matxista mota hori gaitzesteko.

Ehunka herritarrek familiarekin bat egin nahi izan dute gaurko hiletan. Haserre agertu dira, gertatutakoa ulertu ezinik, eta ustezko indarkeria bikario kasua gaitzetsi dute. Autopsiaren arabera, aita izan zen amildegira salto egin zuena, semea besoetan zuela. Ikerketak aurrera jarraitzen du.

Iguzkizak, aitaren jaioterriak, elkartasuna adierazi die hildako adingabearen senide eta lagunei, eta Udal eta Kontzeju gisa eman dezaketen laguntza guztia eskaini die. Era berean, hiru dolu-egun ezarri ditu.

Lizarrako bizilagunek euren samina erakutsi dute elkarretaratze batean, gertatutakoaren ostean. Lizarrako Udalak dolu une honetan "babesa eta elkartasuna" adierazi nahi izan die senideei, lagunei eta hezkuntza komunitateari.

Nafarroako Guardia Zibilak atzo ekin zion haurra bilatzeko lanei, amak jarritako salaketa tarteko. Bikotea banatuta dago, eta ostiralean aitak jaso zuen adingabea. Atzo eskolara haren bila joatean, bertan ez zegoela egiaztatu zuen emakumeak eta salaketa aurkeztu.

Fortunato Agirre 1936an faxistek fusilatutako Lizarrako alkatearen omenaldian hitz egin du Andoni Ortuzar EAJren EBBko presidenteak, eta atzo Eusko Legebiltzarrean onartu zen Memoria Historikoaren legea ekarri du gogora. Kontra bozkatu zutenak (PP eta Vox) ez direla EAJrekin bateragarriak esan du.

Rodrigo Garcia de Galdiano Lizarrako Udaltzaingoaren buruak indarrez atera du Elisabet Ciordia EH Bilduko zinegotzia udaletxeko balkoian ikurrina bat erakusteagatik. Irudiak: Noticias de Navarra.

Eurite gogor batek uholdeak eragin zituen atzo arratsaldean Lizarran. Ordubetean 60 litro erori ziren eta, ondorioz, ura bebarru eta dendetan sartu zen. Ez da kalte pertsonalik izan, bai, ordea, material ugari.

Minutu gutxitako ekaitz handi baten ondorioz, erruz bota du Nafarroako udalerri horretan, eta kaleak ibai bihurtu dira. Dena dela, ez da kalte pertsonalik izan. Sare sozialetatik zabaldutako bideoak.

Nafarroako iparraldean euria egin badu ere, ia ez da tantarik erori foru lurraldearen hegoaldean. Azken tantak Lizarran erori dira; hala ere, kezkatuta daude.