Ingurumena 2020

80 talde baino gehiagok osatzen duten 'Lurraren defentsan Euskal Herria Bizirik' taldeak deitutako protestan, eredu ekonomikoa errotik aldatu eta deshazkundearen aldarria egin dute, energia berriztagarrien makroproiektuek landa eremua eta ekosistema suntsitzen dutela ohartaraziz.

Guardia Zibilak arau-hauste larria egotzi dio zabortegiaren jabeari. Zigor administratibo horrek 100.000 eurorainoko isuna ekar lezake. Mugikorren pantailak, ordenagailuenak eta dokumentuak aurkitu ditu Guardia Zibilak bertan.

1989ko lehortea inflexio-puntu izan zen uraren kudeaketan. Ordutik hona ura aurrezteko eta ur-galerak saihesteko lan handia egiten dute Ura partzurergoek eta udalek. Horietako batzuk ezagutu ditugu, apirilean Donostian egingo den uraren nazioarteko Water Loss kongresu handiaren atarian.

Petrolio-enpresako kontseilari delegatua Trantsizio Ekologikoko ministroari zuzendu zaio, eta esan dio Repsolek "industria arazotzat hartzen dutenen aurka egingo duela", Iberdrolaren eskariak urduritasuna erakusten duela eta hazkundea mugatu nahi duela uste du.

Espainiako Gobernuko hirugarren presidenteorde eta Trantsizio Ekologikorako ministroak adierazi du "erabat neutroa" dela Iberdrolak Repsolen aurka lehia desleialagatik jarritako salaketan, eta "nahasmendura" eramaten ez duen agenda berdea babestu du (adierazpenak gaztelaniaz).

Euskal udalek hobariak emango dizkiete datorren urtetik aurrera gehien birziklatzen duten bizilagunei. Horretarako, edukiontzi guztiek erabiltzaileak identifikatzeko sistema bat izan beharko dute.

Lorea Flores Greenpeacek Hego Euskal Herrian duen koordinatzaileak "publizitate faltsuarekin amaitzea" dela helburua azpimarratu du. Euren aurpegia "garbitzeko" enpresa handiek erabiltzen dituzten trikimailuak salatzen ditu Greenpeacek; zuhaitz gutxi batzuk landatzea, esaterako.

Bost metroko altuerarekin, azpiegitura oztopo gaindiezina zen arrain-espezie guztientzat, aingirarentzat izan ezik.

Eguraldi onaren laguntzaz, Nerbioiko ur-jauziak ohiko itxura aldatu eta ostadarraren koloreengatik aldatu du.

Nerbioi ibaiak 222 metroko jauzia egiten du sorburutik behera (Penintsula osoko jauzi altuena da, eta Europako bigarrena). Araba eta Burgos artean du sorburua, eta Delikan egiten ditu lehen metroak. Azken euriteak direla eta, ur emari handia darama egunotan.

Bilboko Guggenheim museoaren zuzendari Juan Ignacio Vidarteren hitzetan, "dagoena hobetzea" ekarriko luke proiektuak, eta "azkenean aurrera ateratzen bada, eragin oso positiboa izango du Urdaibaiko biosfera erreserban".

Espainiako Kultura ministroaren iritziz, "kultura eta ingurumena eskutik helduta doaz beti". Horixe da PPren Euskadiko presidente Javier de Andresi erantzun diona. Diru publikoaren erabilera "modu horretan" administratzea egotzi dio De Andresek, 40 milioi euro bideratuko baititu Gobernuak horretara.

Futuro Vegetal klimaren inguruko taldeak Guggenheimen aurkako ekintza egin du, Urdaibain museo berria eraikitzeko proiektuaren inguruan protestatzeko eta larrialdi klimatikoan erakundeei ardura eskatzeko.

Erosten ditugun jantzi gehienek zuntzak nahastuta izaten dituzte, erosoagoak edo arinagoak izan daitezen. Baina horrek ingurumenari kalte egiten dio. Maia Curuchet SKFK-ko zuzendari sortzaile eta moda jasangarriaren erreferenteak % 100 jasangarriak diren jantziak ekoizteko gakoak azaldu ditu.

Azkenaldiko tenperaturak direla eta, ohi baino lehenago hasi dira loratzen Etxauri inguruko almendrondoak. Neguko izotzak harrapatzen ez baditu, bi aste iraungo du loraldiak. Paisaia ederra ikus daiteke egunotan inguru horretan.

Txileko tragediaren erdian, sugarrek erre ezin izan duten gune bat dago. Han daude suari eutsi dioten zuhaitzak. Hurbilago, Iruñeko Takonera parkean, zuhaitz horietako batzuk ere badaude.

Claude Moneten 'Udaberria' margolana Lyongo Arte Ederren Museoan dago. Ekintzaileek adierazi dutenez, "udaberri hau izango da geratzen zaigun bakarra erreakzionatzen ez badugu". "Zer margotuko dute biharko gure artistek? Zerekin egingo dugu amets udaberririk ez badago?", galdetu dute.

Eusko Legebiltzarraren atarian elkarretaratzea egin du Euskal Herria Bizirik sare ekologistak. Zentral eoliko eta fotoboltaikoak eraikiko dituzten enpresa handien interesen alde egindako legea dela salatu dute. CO2 isurketak murriztu ordez, merkantilizatu egingo direla ohartarazi dute.