#-cine_vasco-#

Bertha Gaztelumendi eta Rosa Zufia zinemagileek 19 euskal emakume zinemagilerekin eta zinema aditu batekin hitz egin dute flimean, hiru urpekarik emakume batek eginiko lehen euskal pelikularen bila ari diren bitartean. Donostiako Principe zinema aretoetan egongo da ikusgai.

'Arnasa betean' dokumentala Donostiako Zinemaldian estreinatu zen eta bide luzea egiten ari da. Dokumentalean Bertha Gaztelumendi eta Rosa Zufia zuzendariek balorean jarri nahi izan dute euskal emakume zinemagileen lana.

Negu kolektiboaren 'Negu hurbilak' filma 2011ko Euskal Herrian kokatzen da. Nafarroako Zubietan grabatu da filma, eta bertako bizilagunek parte hartu dute aktore-lanean. Ekain Albite eta Mikel Ibarguren zuzendariek grabaketari buruzko xehetasunak eman dizkigute.

2024ko maiatzaren 10ean estreinatuko du BTEAM Picturesek 'Nina' filma. Produkzioa 6 astez filmatu zen Mundakan eta Bermeon.

Sara Varonen eleberri grafiko ezagunean oinarritutako "Robot Dreams" lana animaziozko film onenaren Oscar saria jasotzeko lehian arituko da. Pelikularen zuzendariak ETB hartu du, Oscar sariak emateko ekitaldirako 24 ordu falta direnean.

Hiru hamarkada daramatza zinemagintzan, eta hiru Goya sari eskuratu ditu bere jantzien diseinuan egindako lanagatik. Berak zuzendutako lehen zinta aurkeztu du Malagako Zinemaldian, "Tratamos demasiado bien a las mujeres", Carmen Machi eta Antonio de la Torre protagonista dituen lana.

'Faisaien irla' filma ari dira grabatzen egunotan, euskara hutsean. Bidasoa ibaian gertatzen den migrazioaren dramari buruzko pelikula da, eta EITB Mediak grabazioa nola garatzen ari den aztertzeko aukera izan du.

David Perez Sañudo zuzendaria bere bigarren pelikula filmatzen ari da eta, egokitzapen lanetarako, Marina Pares izan du berriro ere gidoilari lanetan. Miren Gaztañaga da protagonista, euskaraz filmatzen ari dira eta EITBren partaidetza du lanak.

"20.000 erle espezie"ren zuzendariak, Esti Urresolak, hitz hunkigarriak izan zituen saria jasotzean. Bere buruaz beste egin zuen Ekai Lersundi Ondarroako gaztea izan zuen gogoan, bai eta haren gurasoak ere. Gaur aitarekin egon nahi izan dugu filmaren arrakasta nola bizitzen ari diren jakiteko.

"Garrantzitsuena zintzoa izatea eta bihotza ukitzea da", esan du Goya sarien banaketaren ostean. Horren lanak bi golardo eskuratu ditu: animaziozko film onenarena eta gidoi egokitu onenarena.

"20.000 especies de abejas" bere lehen pelikulagatik saritu dute zinemagile laudioarra. Zinta horrek beste bi golardo eskuratu ditu: antzeztaldeko emakumezko aktore onenarena eta jatorrizko gidoi onenarena.

Estibaliz Urresolaren "20.000 especies de abejas" filmean egindako lanagatik saritu dute aktore gipuzkoarra. Sofia Otero protagonistaren eskutik jaso du golardoa.

"Hunkituta eta oso pozik" iritsi da Valladolidera "20.000 especies de abejas" filmaren lantaldea, gaur gauean banatuko diren Goya sarien atarian.

Naizen adingabe transexualen familien elkarteak jaia egin du gaur Etxarri Aranatzen, eta ume transexualen errealitatea islatzeagatik Estibaliz Urresolaren zinta saritu du.

'20.000 erle espezie' filmagatik Goya sarietara izendatuta dago Martxelo Rubio aktorea antzeztaldeko gizonezko aktore onenaren kategorian. Izendapenak eman zituzten egunean semearekin zegoen ospitalean, eta hunkitu egin zen. Espero zuen filmak arrakasta izatea, baina horrelako zoramenik ez.

Gazte ondarrutarraren heriotzak ume transexualen familiak ezagutzera bultzatu zuen Estibaliz Urresola zinema zuzendaria, eta bilera horietatik sortu zen "20.000 especies de abejas" pelikula.

Pablo Berger zuzendari bilbotarrari egindako lehen elkarrizketa, "Robot Dreams" bere animaziozko filma Oscarretarako izendatu dutela jakin ondoren.

"Robot Dreams", Pablo Berger zuzendari bilbotarraren animaziozko filma, animaziozko film onenaren Oscar sarirako lehiatuko da Hollywoodeko Akademiaren 96. edizioko galan.

Josu Martinezen "Bizkarsoro" filma Baigorrin kokatzen da, eta 1914tik 1982ra bitartean gertatzen diren bost istoriok osatzen dute. Denbora tarte horretan, euskaraz soilik hitz egiten zen herri batean, euskaldunak gaizki ikusiak eta gutxiengo izatera nola pasatzen diren erakusten du pelikulak.

Estibaliz Urresola zuzendariak Gazako Zerrendan izaten ari den sarraskia gelditzeko eskatu du eszenatokitik.