Ainhoan izango dira Miren Nogales eta Mikel Pagadi Lapurdiko herria eta bertako bizilagunak ezagutzen. Ez ezazu galdu "Herri Txiki, Infernu Handi" saioa, igandean, 22:00etan, ETB1en eta eitb.eus-en.
Luis Zamalbideko artista da. Uztarriak egiteaz gain, enbor bakarretik egindako pieza mordoa du etxean. Sasoiko dago eta bere 83 urterekin korrika ibiltzen da egunero.
Zamalbide auzoko Gemmak baratzeko kalabazak erakutsi dizkio Mikel Pagadiri. Hainbat sari eskuratu ditu, adibidez, kalabaza handienari saria. 80 kiloko bat jasotzen saiatuko dira.
Errenteriako Zamalbide auzoko Patxi ezagutu du Mirenek. Urte osoa galtza motzean ibiltzen da eta katarrorik ez omen du harrapatzen. Idiak ditu afizio eta bereak "Mr Euskadi" direla esaten du. Entrenamendua egin ondoren, idiak garbitzen jarri du Miren. Modu oso berezian garbitzen ditu idiak...
Patinete elektrikoan igota iritsi da Miren Nogales Zamalbidera, Mikel Pagadi atzetik korrika zuela. Berez Errenteriako auzoa da, baina Oiartzun eta Astigarrako baserri batzuk ere bertan daude. Bertoko herritarrak ezagutuko dituzte biek, igandean, 22:00etatik aurrera, ETB1en eta eitb.eus atarian.
Bakarnek sorpresa asko dituen emakumea da, animaliak gustoko ditu eta modu oso berezian hezten ditu, gainera kasurik egingo ez baliote beraientzat kalte. Izan ere Bakarneren deiadar bat oso urrutitik entzuteko modukoa da...
Bedaroan izango dira igandean Miren Nogales eta Mikel Pagadi, Eako auzoa eta bertako bizilagunak ezagutzen. Ez galdu "Herri Txiki, Infernu Handi" saioa, igandean, 22:00etan, ETB1en eta eitb.eus-en.
Mirenek Martin eta Mari Jose ezagutu ditu Urrozen. Bikote langilea eta maitasunez betea. Elkarrekin egiten dute lan eta goizero, atsedenaldian, gosari "light"a eta naturala prestatzen dute.
Mikel Pagadik Ibai ezagutu du Urrozen. Sorpresaz beteriko mutila da Ibai! Nahiko lan izaten du goizean lanera joateko, autoan kolonia berezia eramaten du eta Pagadiri festa baten ondoren gorbatak nola bukatu behar duen erakutsi dio.
Urrotzen izango dira Miren Nogales eta Mikel Pagadi bertako bizilagunak ezagutzen. Zer gertatzen da Urrotzen amodio-historiekin? Ez ezazu galdu "Herri Txiki, Infernu Handi" saioa, igandean, 22:00etan, ETB1en eta eitb.eus-en.
Egunero egiten dio bisita Josuk 90 urteko amama Begoñari. Harreman estua dute biek. Josuk elizara laguntzen dio, eta Begoña dagoeneko ohitu da bilobaren orrazkera punki-ra eta ia gorputz osoa estaltzen dizkioten tatuajetara.
Elorregiko elizaren atarian topatu du Pagadik Karlos Ostolaza apaiza. Ruandan, "capital Kigalin", 11 urte egin zituen misiolari Karlosek, eta bertako hizkuntzan agurtu du Mikel. Zumaiarra sortzez, 34 urte daramatza Bergaran apaiz lanetan.
200 bat autobus igarotzen dira egunero Elorregi auzotik. Duela lau urte Jon Mujikak autobus-kafetegia sortzeko ideia izan zuen, eta harrera bikaina izan du. Are gehiago, auzoan sakabanatuta dauden baserrietako bizilagunek elkar ezagutu dute Sanprubusari esker eta koadrila osatu dute.
Elorregin izango dira Miren Nogales eta Mikel Pagadi Bergarako auzoa eta bertako bizilagunak ezagutzen. Ez ezazu galdu "Herri Txiki, Infernu Handi" saioa, igandean, 22:00etan, ETB1en eta eitb.eus-en.
Joseba eta Julen anaiak, Otsagabiko dantzariak biak, ezagutu ditu Pagadik. Muskildako baselizaraino kalejira joan da haiekin, eta, behin han, makil dantza dantzatu dute. Nola moldatu ote da Pagadi?
17 urte zituela, traktorearekin istripua izan zuen Beñatek. Hasieran, eskumako oineko behatzak moztu zizkioten, baina infekzioak zituen sarri, eta hanka zati bat moztea eskatu zuen. Duela urtebete egin zioten ebakuntza eta bizitza kalitatea asko hobetu zaio.
Lehoiak ote daude Iratiko oihanean? Gisa horretako galdera xelebreak egiten dizkiote Leireri turismo bulegoan. Bitxia da baita ere Mikel Aoiz alkateak bandoak eta pregoiak irakurtzeko duen sistema. Ojo al kristo!
Hamargarren denboraldiari ekingo dio saioak eta Euskal Herriko bazter guztietako herri txikiak eta auzoak ezagutzen ikusiko ditugu berriro ere Miren Nogales eta Mikel Pagadi. Nafarroako Zaraitzu ibarreko Otsagabia herria ezagutuko dute lehen atal honetan.
Deabruak berriz ere itzuliko dira infernura. Miren Nogalesek eta Mikel Pagadik Otsagabian hasiko dute 10. denboraldia, betiko moduan, bazterrak nahasten. Ez galdu estreinaldia, igande gauean, 22:00etatik aurrera, ETB1en eta eitb.eus atarian.
Ojo al kristo! Deabruen gurutzada berria iristear da! "Herri Txiki, Infernu Handi" saioaren 10. denboraldia laster estreinatuko dugu ETB1en eta eitb.eus atarian, Miren Nogales eta Mikel Pagadiren eskutik.
EITBko Albistegietako aurkezleak ere batu dira "Herri Txiki, Zirku Handi" ikuskizunera, eta ETS taldearen "Zuengatik topa" abestia kantatu eta dantzatu dute.
Athleticeko, Realeko eta Alaveseko hainbat jokalari agertu ziren "Herri Txiki, Zirku Handi" ikuskizunean abesteko prest, baina ez zuten Miren Nogalesen eta Mikel Pagadiren castinga gainditu.
Gonbidatu ospetsuak, abesti ezagunak eta umorea oinarri dituen emanaldi berezia gidatuko dute Tolosatik, Gure Zirkuaren karpatik, Mikel Pagadik eta Miren Nogalesek.
Arraunlariak, pilotariak, Gure Zirkuko lagunak, Euskal Telebistako lankide eta telesailetako protagonistak... Pertsona ezagun ugari bertaratu dira Gure Zirkuko karpara abestera. Hona hemen hainbat argazki.
Miren Nogales eta Mikel Pagadi Oiartzun herriko Iturriotz auzoan barrena ibili dira aste honetan, eta hango zenbait txoko eta herritar ezagutu dituzte. Ikus itzazu bideo honetan saioaren unerik onenak!
Miren Nogales eta Mikel Pagadi Oiartzun herriko Iturriotz auzoan barrena ibiliko dira gaur gauean. Hango zenbait txoko eta herritar ezagutuko ditugu, haien eskutik. 22:00etatik aurrera, saioa ikusgai izango da, ETB1en eta eitb.eus-en.
Miren Nogalesek eta Mikel Pagadik Bizkaira bidaiatu dute aste honetan, eta Urdulizeko herritarrak eta bitxikeriak erakutsi dizkigute ditugu 'Herri Txiki, Infernu Handi' saioan. Ikus itzazu unerik onenak bideo honetan!
Miren Nogalesek eta Mikel Pagadik Bizkaira bidaiatuko dute. Urdulizeko herritarrak eta bitxikeriak ezagutuko ditugu gaurko saioan, 22:00etan, ETB1en eta eitb.eus-en.
Etxauen auzoko uraren bertuteak azaldu dizkio Anderrek Pagadiri. Astero doa bertara ur bila, Etxauenekoa naturalago ei da eta. Inguru hartako iturri gehiago erakutsi dizkio, ur-sufretsua duen bat, esaterako. Gibela eta odola garbitzeko primerakoa da, eta azalerako ezin hobea.
Gerra zibilean bizitako esperientzia gogorra azaldu dio Fermin Etxebarriak Mikel Pagadiri. Baserriko kortan, konpainia oso bat izan zuten, 70 soldadu errepublikar, eta frankistek etengabe egiten zieten eraso. Zortzi urte besterik ez zituen eta jakina, beldur asko pasa zuen.
Aran eta Julen, ama-semea, topatu ditu Mirenek Arexola auzoan. Soinu txikia bizkarrean, edozein saltsarako prest dago Aran, baita hiletetan jotzeko ere. Musika entzun bezain laster gertutatu da Patxi auzotarra, eta festara batu zaie.
Ipurdia, abdominalak, hankak eta besoak lantzeko ariketak proposatzen dizkie Iker Arriolabengoak kirol monitoreak aramaioarrei. Mirenek egin ditu hainbat ariketa, izan ere, txuleta du jokoan. Lortu ote du erronka gainditzea?
Bozketa bidez aukeratu zuten Tzaitel Oletako alkate. Astebetez negarrez pasa zuen, haserre. Txokolate on batekin konbentzitu zuten ordea. Telefonoz hizketan uneoro, zaldiak eta behorrak zaintzen topatu du Pagadik eta 'Txikito, el galán de los sementales' aurkeztu dio.
Gorutan egiteko makina atera du Felisak. Aspaldikoa omen da, eta haria lortzeko erabiltzen du, gero artilezko galtzerdi ederrak egiteko. Felisak 86 urte ditu eta 65 urterekin atera zuen gida-baimena. Auto berria nola erosi kontatu dio Mireni.