Gernikak, Arenasek eta Sestao Riverrek aurrera egin dute Kopan; Amorebieta eta Beasain, kanporatuta

Gernikak, Getxoko Arenasek eta Sestao Riverrek Errege Kopako bigarren fasera sailkatzea lortu dute larunbat honetan. Amorebietak eta Beasainek, aldiz, zorte txarra izan dute eta agur esan diote txapelketari euren partidak galdu ondoren.

Amorebieta izan da jokatu duen beheko mailetako lehen euskal taldea. Talde bizkaitarrak 1-0 galdu du Saguntinoren aurka txapelketako lehen kanporaketan. Partida erabaki duen gola penaltiz eta luzapenean iritsi da, 116. minutuan hain zuzen ere, Amorebieta jokalari bat gutxiagorekin geratu denean.

1:06

Amorebietak agur esan dio Kopari Saguntinoren aurka galduta (1-0)

Arenas eta Sestao River izan dira garaipena eta hurrengo faserako txartela lortzen lehenak. Getxoko taldeak lorpen handia lortu du Lugori irabazita, 76. minutuan Gomezak korner batean sartutako golari esker (1-0).

1:46

Arenasek bigarren mailako Lugo kanporatu du Errege Kopatik (1-0)

Bestalde, Riverrek partida ona egin du Las Llanasen, eta garaipena lortu du Racing Ferrolen aurka, Leandro Martinezen bolea bikainarekin sartutako golari esker, hurrengo faserako sailkapena lortuz (1-0).

2:41

Sestao River hurrengo fasera sailkatu da Ferrolgo Racingi irabazita (1-0)

Gernikak denbora gehiago behar izan du Leganesen aurka. Madrileko taldea jaun eta jabe izan da Urbietan, auken faltengatik nabarmendu den partidan. Baina hiribilduko taldea ondo defendatu da partida luzapenera arte eramateko. Gauza bera luzapenean, 11 lehia metroetara eramanez, non atezain gernikarrak Leganesen azken jaurtiketa gelditu duen Gernikari garaipena emateko (6-5).

1:53

Gernikak garaipen handia lortu du Leganesen aurka penaltietan (6-5)

Beasainen kasuan, zorte txarra izan du talde gipuzkoarrak Sportingen aurka jokatu duen partidan. Asturiaseko taldea izan da gola sartzen lehena partidako lehen minutuetan, baina gipuzkoarrek markagailuari buelta ematea lortu dute aurrea hartzeko. Amaierarako 15 minuturen faltan, Sportingek partida berdindu du berriro, partida luzapenera iritsiz, non bisitariek garaipena lortu duten azken minutuan (2-3).

2:04

Beasain azkeneraino borrokatu da, baina luzapenean galdu du Sportingen aurka (2-3)

Horrela, Arenasek, Sestao Riverrek eta Gernikak Osasunari lagunduko diote Errege Kopako bigarren kanporaketara, azken horrek Fuentes mendean hartuta (1-4).