Santander eta SmartBank ligek ordutegi bateratua izango dute azken bi jardunaldietan

Santander eta Smartbank ligetako azken bi jardunaldiak ordutegi bateratuarekin jokatuko dira, sailkapenean postu garrantzitsuren baten lehian dauden taldeei eragiten dieten neurketetan, LaLigak jakitera eman duenez.

Horrenbestez, Santander Ligako 37. eta 38. jardunaldiak eta Smartbank Ligako 41. eta 42. jardunaldiak ordutegi bateratuan programatuko dira. Aldi berean hasiko dira ligako txapeldunari eragiten dioten neurketa guztiak, eta, maila gorenean, baita Europako lehiaketetan parte hartzeko aukera ematen duten postuei, Espainiako Superkopara sailkatzekoei eta jaitsierari eragiten dietenei ere.

SmartBank Ligari dagokionez, honako hauek izango dira ordutegi bateratua izango duten partidak: txapelketaren irabazlea, igoera zuzena, jaitsiera postuak edo igoerako play-offetarako sailkapena jokoan dituztenak.

Aurreko baldintzetako bati bakarrik eragiten dioten partida bat baino gehiago egonez gero, partida horiek ordutegi berean jokatu ahal izango dira, baina jardunaldi bateratutik kanpo. Aitzitik, sailkapenerako garrantzitsuak diren kirol-konturik jokoan ez duten norgehiagokak era independentean programatu ahal izango dira.