18:45

Munduko Txapelketa

QATAR 2022

Ghanak garaipena erdietsi du Hego Korearen aurka (2-3)

AGENTZIAK | EITB MEDIA

Iñaki Williamsek 90 minutuak jokatu ditu bere selekzioak Asiako taldearen aurka lortutako garaipenean.

  • Williamsek partida ososa jokatu du

    Williamsek partida ososa jokatu du. Argazkia: EFE

  • Whatsapp
  • Whatsapp
  • Bidali

Ghanako selekzioak biziraupen lezioa eskaini du astelehen honetan Hego Korea mendean hartzeko (2-3) Qatarreko Munduko Txapelketako H Multzoko bigarren jardunaldian, talde afrikarrak bi goleko aldea alferrik galdu zuen partidan, baina Paulo Bentok zuzendutako taldearen berdinketaren ostean erreakzionatzen jakin du.

Hego Koreako taldea Education Cityn agintzen hasi da, non Gue-Sung Cho Chang-Hoon Kwonek atzeraka egindako pase bat baliatzeko zorian egon den. Kontraerasoei eta estrategia jokaldiei esker, 'Asiako tigreek' irabaztera behartutako aurkaria estutu dute, hain zuzen ere estrategia jokaldi batekin erantzun diona.

Otto Addok zuzendutako mutilek zaparradari eutsi diote eta euren unearen zain egon dira 24. minutura iritsi diren arte. Jordan Ayewk baloi bat zintzilikatu du area barrura eta Mohammed Salisuk jaso du, Seung-Gyu Kim atezaina gainditu eta baloia sare barrura bidaltzeko.

Hamar minutu geroago, Mohammed Kudusek partida erabakita utziko zuela zirudien, eta Jordan Ayewk egindako erdiraketa neurtu bat baliatu du Amsterdamgo Ajaxeko erdilariak bigarrena egiteko (34. min).

Asiarrek, ordea, dena eman dute markagailuari buelta emateko. Paulo Bentok aulkia mugitu du eta aldaketek itxura berria eman diote taldeari, Gue-Sung Choren erremate batekin eman dute lehen abisua.

Aurrelari hegokorearrak ez du huts egin handik gutxira, 58. minutuan; Kang-In Leek (Mallorcako jokalaria), minutu bat lehenago zelairatu denak, hegalean baloi bat berreskuratu eta erdiratu egin du Chok aldea murrizteko. Kolpea barneratzeko denborarik gabe, Ghanak ikusi du nola erasotzaile asiarrak bere bigarren gola sartzen duen hiru minutu beranduago erdiraketa berri bat aprobetxatuz.

H Multzoa berriro irauli da 68. minutuan; Mensah hondoko marrara iritsi eta pasea etzera eginda baloia jarri dio Iñaki Williamsi, honek errematea lotzen asmatu ez eta Kudusek, adi, baloia jaso eta 2-3koa jarri du.

 

Fitxa teknikoa:

2 - Hego Korea: Kim Seung-Gyu; Kim Moon-Hwan, Kim Min-Jae (Kwon Kyung-Won, 92. min), Kim Young-Gwon, Kim Jin-Su; Hwang In-Beom, Jung Woo-Young (Hwang Ui-Jo, 78. min), Kwon Chang-Hoon (Lee Kang-In, 57. min), Jeong Woo-Yeong (Na Sang-Ho, 46. min), Son Heung-Min; Cho Gue-Sung.

3 - Ghana: Zigi; Lamptey (Odoi, 78. min), Amartey, Salisu, Mensah (Rahman, 88. min); Jordan Ayew (Sulemana, 78. min), Thomas, Abdul Samed, Kudus (Djiku, 83. min); Andre Ayew (Kyereh, 78. min), Iñaki Williams.

Golak: 0-1, 24. min: Salisu. 0-2, M: 34: Kudus. 1-2, 58. min: Cho Gue-Sung. 2-2, M.61: Cho Gue-Sung. 2-3, M: 68: Kudus.

Epailea: Anthony Taylor (ING). Txartel horiak: Amartey (21. min), Jung Woo-Young (27. min), Lamptey (73. min) eta Kim Young-Gwon (77. min). Paulo Bento Hego Koreako taldeko teknikaria kanporatu du.

Iruzkinak

  • Hurrengo zuzenekoak

    • Gaur
    • OR.
    • LR.
    • IG.
    • AL.
    • AS.
    • AZ.

    Ez dago zuzenekorik

    Fitxaketak… LaLiga Fitxaketak…

    Bisitatuena

      Kargatzen ikusiena
      Kargatzen ikusiena