19:36

Eibar

FITXAKETA

Eibarrek Chema Rodriguez, Jon Bautista eta Alvaro Vadilloren fitxaketak iragarri ditu

I. G. | EITB MEDIA

Rodriguez Eibarren aritu zen iragan denboraldian, Getafek utzita. Bautista Realetik dator eta hiru urterako sinatu du. Vadillok Espanyolek utzita jokatuko du.

  • Chema Rodriguez

    Chema Rodriguez. Irudia: Eibar

  • Whatsapp
  • Whatsapp
  • Bidali

Chema Rodriguezek, Jon Bautistak eta Alvaro Vadillok Eibarrekin jokatuko dute 2022-2023 denboraldian. Talde armaginak akordioa lortu du Rodriguezekin eta Bautistarekin hurrengo hiru denboraldietarako, eta Vadillo Espanyoletik dator utzita.

Rodriguez Eibarren aritu zen iragan denboraldian ere, 2021-22an, Getafek neguko merkatuan utzita. Guztira, 19 partida jokatu zituen Gaizka Garitanoren zuzendaritzapean.

Talde madrildarrarekin zuen kontratua duela gutxi eten ondoren, Eibarreko diziplinara itzuliko da, kasu honetan, jabetzan, eta armagin gisa sinatuko du hurrengo hiru denboraldietarako, 2025eko ekainera arte.

Jon Bautista Realeko aurrelaria Eibarren seigarren fitxaketa bihurtu da, jokalariaren eskubideak talde txuri-urdinarekin partekatuko direlarik.

67 partida jokatu ditu Lehen Mailan, 6 gol sartu ditu, eta 24 partida Bigarren Mailan.

Bautistaren etorrerak armaginen aurreko lerroa indartzeko balioko du, Fernando Llorente, Fran Sol eta Blanco Leschuk taldea utzi ondoren.

Bestalde, Alvaro Vadillo Eibarren zazpigarren errefortzua izango da denboraldi honetarako, talde gipuzkoarrak Espanyolekin lortutako lagapen-akordioari esker.

Vadillok 66 partida jokatu ditu Lehen Mailan, 3 gol sartuz eta 5 asistentzia eginez. Halaber, 129 partida jokatu ditu Bigarren Mailan, 14 tanto egin ditu eta 23 asistentzia egin ditu.

Iruzkinak

  • Hurrengo zuzenekoak

    • Gaur
    • IG.
    • AL.
    • AS.
    • AZ.
    • OG.
    • OR.
    03 12:30 - 14:30 PILOTA | Afizionatuak: 4 1/2ko Elite Txapelketa. Aretako Txapelketa
    03 17:15 - 20:10 PILOTA | Binakako Txapelketa: Jaka-Aranguren vs Peña II.a-Mariezkurrena II.a
    Tourra 2020 Webgune berezia Tourra 2020
    Euskal Selekzioak Euskal selekzioak irabazi egin dio Korsikari,… Euskal Selekzioak
    Emakumeen Kirola Partidak zuzenean, bideoak, kronikak... Emakumeen Kirola
    Fitxaketak… LaLiga Fitxaketak…

    Bisitatuena

      Kargatzen ikusiena
      Kargatzen ikusiena