Gorka Guruzeta Athleticera bueltatuko da

Gorka Guruzetak hurrengo bi denboraldietarako kontratua sinatuko du Athleticekin, 2024ra arte. Horrekin batera, aldagai batzuen arabera hirugarren urte bat gehitzeko aukera izango du donostiarrak. Aurrelariak bi denboraldi eman ditu Lezamatik kanpo, azkenengoa SD Amorebieta taldean.

Talde zurigorrira bueltatu den aurrelariak 9 partida jokatu zituen Bilboko taldearekin eta gol bakarra lortu zuen, 2018-19ko Sevillaren aurkako Kopa kanporaketan.

Zornotzako taldean, aldiz, 13 gol lortu ditu Smartbank Ligan.

Hurrengo egunetan izango da aurkezpen ofiziala Lezamako instalazioetan.

¿ Gorka Guruzeta Athletic Clubera bueltan da!

¿ https://t.co/rUZPtZOPnI

Aurrelaria libre iritsi da talde zuri-gorrira eta 2024ra arte sinatu du, LaLiga Smartbanken @SDAmorebieta taldearekin 13 gol sartu ostean.#OngiEtorriGuruzeta #AthleticClub ¿ pic.twitter.com/qXzgM0ho4W

— Athletic Club (@athletic_eus) July 3, 2022