Bidasoa Irun - GOG partida, gaur, zuzenean, eitb.eus-en eta ETB4n

Bidasoa Irunek GOG taldearen aurka jokatuko du gaur Artalekun, EHFren Europa Ligako final-zortzirenetako joaneko partida. Neurketa zuzenean eskainiko dute eitb.eus-ek eta ETB4k, 20:45etik aurrera.

Euskal taldean, Jon Azkue ez da jokatzeko moduan izango. Kauldi Odriozolak oraintsu gainditu du kuadrizepseko zuntz-haustura txiki bat, eta Rodrigo Salinasen parte-hartzea zalantzan dago, min hartu baitzuen ezkerreko sorbaldan, Fraikin Granollersen aurkako Errege Kopako partidan.

Bestalde, GOG txapelketa irabazteko faboritoetako bat da. Taldeko izarra den Mathias Gidsel hegaleko jokalaria ez da Artalekun egongo, belauneko lotailu gurutzatua hautsi baitzuen otsailean, eta ez  dago argi Viktor Hallgrimsson atezain islandiarra jokatzeko moduan izango den.