Euskotren Ligak 8 lehiakide izango ditu

Euskotren Ligako lehiakide kopurua handitzeko ACTko partaideek Zuzendaritzak egindako proposamena onartu dute. Egun, lau traineruk hartzen dute parte emakumezkoen lehiaketan, denak gipuzkoarrak, eta 2023. denboralditik aurrera, zortzi lehiakide izango dira. 

Bazkideek onartutako aldaketa honekin lehenengo hiru denboraldietan lehiaketako bi parte-hartzaile Galiziako Ligakoak izango dira.

Euskotren Ligako parte-hartzaileek izen-ematerako unean kuota bat ordaintzea ere onartu dute eta 2022 eta 2023 denboraldietako emakumezkoen lehiaketaren PlayOff formatua onartzeko eskatu dio urtarrileko Batzarrari.

ACTko bazkideek estropaden antolaketan soilik eragina izango duten aldaketak onartu dituzte. Azkenik, ALNren (Asociación Liga Noroeste) eta ACTren artean indarrean dagoen lankidetza-hitzarmenaren luzapena ere onartu da, 2022ko abenduaren 31ra arte.