'Zenbat lore, ortzadar edo bihotz agertzen dira nire semearen arropan?'

Haurren arropetan agertzen diren kolore eta objektuek estereotipoak bultzatu eta diskriminazioa sustatzen dute Amelia Barquin, ELEA taldeko koordinatzaile eta Mondragon Unibertsitateko irakaslearen esanetan. Haurrak, neska ala mutila izan behar duen adierazten dela eta jarrera jakin batzuekin lotzen dela kontatu digu, besteak beste.

Nesken arropetan maiz agertzen dira loreak, ortzadarrak, bihotzak edo panpinak. Koloreak ere gorriak, laranjak edo arrosak izaten dira gehienetan. Mutilen kasuan berriz, dinosaurioak, baloiak eta abentura mezuak agertu ohi dira. Nola eragiten dio horrelako keinu batek umeari? Diskriminazioa eta sexismoa bultzatzen al da?

Seme nagusiaren arropa janzten al diogu alabari? Eta alderantziz, alaba nagusiaren arropa janzten al diogu semeari?

Genero ikuspegi bitarraz hausnartu dugu Ainara Gorostitzu eta Amelia Barquinekin, Mezularian.