Hitza Jolas

Aurkezleak : Eneritz gorrotxategi

Larunbatetan, 14:00etan. Igandeetan, 23:00etan

Kontaktua : hitzajolas@eitb.eus

Jarrai gaitzazu :

Bertsolaritzaren gaineko irratsaioa da Hitza Jolas. Eneritz Gorrotxategik gidatuta, bertso ikusgarriak entzuteko plaza. Bertsozaleen bertso bazkaria. Lehengo eta gaurko bertsoaldirik onenak, plazetakoak eta mahai ingurukoak. Txapelketen jarraipen zorrotza, elkarrizketak eta informazio berritua.

1 / 30 Hurrengoa

Errexil sariketako finalekoak batetik, Zestoa-Urepel senidetzakoak bestetik

#-published-#: 2024/11/16 13:39 (UTC+1) Azken eguneratzea: 2024/11/13 13:39 (UTC+1)

Urruñako Posta gelan jokatu zen Errexil sariketako finala. Ez da urteroko sariketa, urteurren batek eragindakoa baizik. 1984an antolatu zuen bertsularien Lagunak elkarteak lehenengo Errexil sariketa. Urruñatik Urepelera ere egingo dugu, Zestoa eta Urepelen arteko senidetzearen aitzakian antolatutako bertso-saioko aleak ere jasoko baititugu. Eta, iparraldera hurbilduko ote zaigu gure bederatzikoa?

Tolosako azken final-laurdena eta Hondarribiko setioaren urteurrenekoak

#-published-#: 2024/11/09 08:55 (UTC+1) Azken eguneratzea: 2024/11/11 08:55 (UTC+1)

Gipuzkoako Bertsolari Txapelketa azken txanpan murgildu da dagoeneko. Saio honetan 5. eta azken final-laurdenari egingo diogu lekua. Bestalde, Hondarribiaren setioaren 500. urteurrena dela eta, Arma plazan izandako bertso-saioko aleak ere ekarri ditugu. Horrez gain, gure bederatzikoak ere ez du hutsik egingo.

Gipuzkoako 3. eta 4. final-laurdenak eta Arabako bideo-kopla lehiaketa

#-published-#: 2024/11/02 13:07 (UTC+1) Azken eguneratzea: 2024/10/31 13:07 (UTC+1)

Gipuzkoako Bertsolari Txapelketako hirugarren eta laugarren final-laurdenak jokatu dira jada, Azkoitian eta Irunen hurrenez hurren. Bada, bi saio horietako bertsoaldiak entzungo dituzu saio honetan. Arabako 14 urtez azpiko gatetxoentzako bideo-kopla lehiaketa martxan dela ere kontatuko dizuegu, gure 9koa nondik nora dabilen jakiteaz batera.

Gipuzkoako lehen bi final-laurdenak, pilota-bertso eta Laurota

#-published-#: 2024/10/26 12:18 (UTC+2) Azken eguneratzea: 2024/10/25 12:18 (UTC+2)

Gipuzkoako Bertsolari Txapelketako lehen bi final-laurdenak jokatu dira eta horietako bertsoaldi batzuk ekarri ditugu. Ipar Euskal Herrian hasi duten pilota-bertso ekimena ere ezagutu dugu eta Bizkaira ere joko dugu; Loiuko Laurota auzoko jaietako bertsoaldiko aleak entzungo baititugu. Hori gutxi ez eta 9koari ere segida emango diogu.

Donostiako suntsiketa oroituz eta Alkizako jaietakoak berrituz

#-published-#: 2024/10/12 14:16 (UTC+2) Azken eguneratzea: 2024/10/11 14:16 (UTC+2)

1813an Donostian izan zen sarraskia gogoratzeko bertso-saio musikatua izan zen. Saio horretako bertsoaldiez gain, Alkizako jaietan izandakoak ere ekarri nahi izan ditugu. Batetik bestera saltoka, gure 9koa ere badoa!

Denboraldiari ekiteko; Garesko lehengoa eta Galdakaoko jaietakoa

#-published-#: 2024/10/05 13:10 (UTC+2) Azken eguneratzea: 2024/10/04 13:10 (UTC+2)

Garesera bertsoa iritsi izan da orain baino lehen, baina lehen aldiz egin dute bertso-jaialdi bat. Jaialdiaren nondik norakoen berri jaso dugu eta han osatutako bertsoaldiak ere hautatu ditugu. Galdakaoko jaietako saioko bertsoaldiak ere entzun ahal izango ditugu gure bederatzikoarekin batera.

4.Señora sariketa formatu berritzaile eta dotorez; Pamela eta Tokadoarekin

#-published-#: 2024/06/22 18:12 (UTC+2) Azken eguneratzea: 2024/06/20 18:12 (UTC+2)

Portugaleten egin zen Señora sariketaren laugarren edizioa. Sailkapen eta final kontuak albo batera utzi eta egun bakarreko saio gisa osatu zuten. Aldarrikapenerako tartea hartu zuten, espazio seguruan, ohiko umore kutsu eta guzti. Orain arte bezala, Pamela jantzi zuen garaileak, baina Tokado saria ere eskaini zuten. Honen inguruko xehetasunak ere jasoko ditugu siao honetan. Uda soiari hasiera emateaz batera, irrati-urteari ere amaiera emango diogunez, irailera arte etengo dugu gure 9koa. Ba ote dakizu nork osatu duen oraingoa?

Iragana eta oraina; oihalak eta bertsoak ehunduz Villabonako Subijanan

#-published-#: 2024/06/15 07:06 (UTC+2) Azken eguneratzea: 2024/06/17 07:06 (UTC+2)

Amasa-Villabonako Subijana etxea, oihal fabrika izan zen 1860tik1980ra. Gaur egun Euskal Herriko Bertsozale elkartearen egoitza da. Hala, Subijana etxearen memoria historikoa berreskuratzeko garai batean nolakoa zen, zer eta nola egiten zuten ezagutuko dugu, eta gaur egungo begietatik aztertu. Lana egiteko zituzten moduak, horien ajeak, soldataren ingurukoak edota lantokian izandako aldaketak ezagutuko ditugu besteak beste. Nerea Ibarzabal, Alaia Martin eta Oihana Iguaran entzungo ditugu bertsotan eta Amaia Agirre izango da azalpenak eskaini eta gaiak josiko dituena.

Mugaz gaindikoa; eskolarteko bi final eta Uztapide eta Xalbadorren liburua

#-published-#: 2024/06/08 07:20 (UTC+2) Azken eguneratzea: 2024/06/10 07:20 (UTC+2)

Gaztetxoak izango ditugu saio honetan ardatz. Datorren astean jokatuko den Euskal Herriko Eskolartekoaren atariko, Gipuzkoako eta Nafarroako eskolarteko finaletako printzak ekarri dizkizuegu. Eskola garaia aitzakiatzat hartuta, gure artxiboko perla bat ere berreskuratu dugu. Baina etorkizunean perla izan litekeen liburu bat ere aurkeztuko dizuegu; hain zuzen ere belaunaldi berriek bertako erreferentziak izan ditzaten ondu baitu Pako Aristik Zestoako eta Urepeleko herrien arteko anaikidetzea aitzaki hartuta "Uztapide eta Xalbador" liburua.

Gipuzkoa Bertsotan ekimeneko lehenengo fasekoak

#-published-#: 2024/05/25 07:26 (UTC+2) Azken eguneratzea: 2024/05/27 07:26 (UTC+2)

Gipuzkoa Bertsotan ekimenaren bigarren faseari ekingo zaio honetan, lehenego faseko lau saiotako hautaketa egin dugu. Zehatzago esanda, maiatzaren 2an Altzon eta Zaldibian izandako saioak, eta maiatzaren 3an Orion eta Legorretan izandako saioetako ale batzuk ekarri ditugu. Gure bederatzikoa Londrestik iritsi zaigu oraingoan. Nora bidali ote dute orain erronka?

1 / 30 Hurrengoa

Bertsolaritzari buruzko albisteak

Beñat Gaztelumendi Gipuzkoako Bertsolari Txapelketaren finalean izango da

Atzo, igandearekin, Oiartzungo finalaurrekoa irabazita, 2019ko txapeldunak ziurtatuta du abenduaren 14an Donostiako finalean egoteko tokia. Bigarren finalaurrekoa Zarautzen jokatuko da, igandean.
Bertsolari Gazteen 32. BBK Sariketa azaroaren 4an hasi eta abenduaren 5ean amaituko da

25 urte arteko bertsolariak taldeka lehiatuko dira, Bilbon hasi eta Zornotzan bukatuta. Sei saio izango dira guztira.
Final laurdenetako zerrenda osatuta gelditu da Gipuzkoako Bertsolari Txapelketan

Maider Arregik bildu zituen puntu gehien final zortzirenetako azken saioan, eta badakigu zein 30 bertsolarik kantatuko duten final laurdenetako bost saioetan.
Joxin Azkue: "Sabino Arana ezagutu zuenean bihurtu zen abertzale Pello Mari Otaño"

Pello Mari Otaño poeta eta bertsolari zizurkildarrari buruz pelikula filmatzen ari dira egunotan. Hori aitzakiatzat hartuta, Otaño ezagutu nahi izan dugu Hernandorena kultur taldeko Joxin Azkuerekin.
Gipuzkoako Bertsolari Txapelketa irailaren 14an hasiko da, Urretxun

Finala abenduaren 14an izango da, Donostian, lllunben. 16 saioetarako sarrerak salgai daude dagoeneko.
Bertsolaritza "babes bereziko kultura-ondasun immaterial" izendatu du Eusko Jaurlaritzak

Gobernu Kontseiluak gaur onartu du izendapena. Nafarroan kultur intereseko ondasun izendapena du bertsolaritzak, eta Frantziako Estatuan kultura ondare immaterialarena.