Juncal Arbelaiz: "Makina sistema handiek elkarren artean talde gisa funtzionatzeko lanean ari naiz"

Juncal Arbelaiz irundarra Massachussetsen bizi da, AEBko Bostonen, MIT eta Harvard unibertsitateen inguruan. Munduko bi unibertsitate onenak dira horiek. Giro akademiko berezian eta lehen mailako irakasleen artean, Arbelaizen irakasle dira 20 Nobel saridunetik gora. Liburutegiak 24 orduz daude irekita eta hamaika aukera daude ikerketan lan egin eta goi mailako lankidetzak estutzeko.

Matematika aplikatuak eta adimen deszentralizatua dira Arbelaizen ikerlanaren ardatza. Makinak edo sistema handiak elkarren artean nola komunikatu, hori aztertu eta erraztea da bere helburua. Eskala handiko makinek talde gisa funtzionatzea. Matematika aplikatuek robotetan eta sare elektrikoetan pisu handia dute, baina baita gure egunerokoan ere, horren eta AEBetako zirkulu akademikoen berri eman du Arbelaizek Euskadi Irratiko 'Faktoria' saioan.