'G-7 goi bilerarako genuen azpiegiturak egoki funtzionatu du'

G7 goi gailurrerako aurrikusten ziren auto-ilarak ez dira sortu Biriatuko mugan. Ertzaintzak baieztatu du ez dela ibilgailu pilaketarik izan eta ondorioa ikusita, 'azpiegiturak ondo egoki funtzionatu' duela esan du Faktorian, Josu Bujandak, Ertzaintzako buruak. Ulertzen du Bujandak garraiolarien haserrea baina, era berean gogoratu du, Eusko Jaurlaritzak Frantziako gobernuak jarritako mugak kudeatu baino ez duela egin.

Auto pilaketak ez dira sortu, Ertzaintzako arduradun nagusiaren ustez, Afrikatik zetozen gidariek euren etorrera mailakatu dutelako eta herritarrek, Biriatuko muga ez erabiltzeko gomendioei kasu egin diotelako. G7 gailurrerako prestatu duten azpiegitura kontuan hartuko dute, beste irteera eta itzulera trafiko-operazioetan erabili ote litekeen jakiteko.