'EH Bildu mahaitik at utziz gero, Chivitek uko egingo dio gehiengoa izateari'

Bakartxo Ruiz EH Bilduren Nafarroako legebiltzarkidearen esanetan, logika politikoaren baitan kokatzen da PSNri Geroa Baik, Izquierda-Ezkerrak eta Podemos Ahal Duguk egiten dioten eskaria, EH Bildu Parlamentuko mahaian ordezkatua egotekoa. Ruizek 'Faktoria'n esan duenez, Maria Chivitek argi izan behar luke gobernu alternatibo bat osatu nahi badu gainerako indarrekin ez duela gehiengo osorik. Eskuinari alternatiba gainontzeko guztien arteko adostasuna dela gogoratu du Ruizek, eta aurrez hanka bat kontuan hartzen ez duena, edo gezurretan, edo antzerkia egiten ari dela uste du.

PSNren jarduna, EH Bildu baztertuta, Madrilgo logikaren baitan ulertu behar dela dio legebiltzarkideak, eta esan du uste duela Maria Chivitek ez daukala gaitasunik egin beharrko akordioak egiteko eta Madrili begira egon gabe, Nafarroako herritarren interesak lehenesteko.