BCBL ikerketa zentroa, dislexiaren zantzu goiztiarrenen bila

Juniorlab du izena BCBL ikerketa zentroak Gasteizko Carmelitas ikastetxean 2011tik duen laborategiak. Lengoaiarekin zerikusia duten prozesuak ikertzen dituzte bertan, haurren laguntzaz. Esperientzia aitzindaria da: neurozientzia, hezkuntzari aplikatuta.

Besteak beste dislexia dute aztergai, eta haren zantzu goiztiarrenak detektatzen laguntzeko erreminta bat garatu du BCBLk. Ikasturte honetan proba pilotuak egin dituzte Juniorlaben, euskarri gisa tableta bat erabiliz.

Sei urtetik gorako haurrekin ari dira ariketa hauek aplikatzen. Ezin da dislexiaren diagnostiko fidagarririk egin umeak zortzi urte dituen arte, baina lehen zantzuen aurrean adi egoteak bizimodua alda diezaioke.

Maite Redondo BCBLren Neure klinikako psikologoarekin hitz egin dugu.