'Sariak oasi baten modukoak dira'

Jon Maya, Kukai dantza konpainiako zuzendaria, 'Faktoria'n izan dugu, Etiopiatik iritsi berritan. Duela hilabete jakinarazi zieten 2017ko estatuko Dantza Sari Nazionala eurentzat dela, eta, haren arabera, sariak oasi baten modukoak dira: momentuan 'izugarrizko emozioa' uzten dute, baina gakoa egunerokoan omen dago. 'Oskara' ikuskizunak eman die estatuko dantzaren sari nazionala, baina argi du Mayak ezin izango zutela lortu aurretik egindako lana ez bazuten egin.

Urtea amaitu bitartean emanaldi asko dituzte dagoeneko hitzartuta eta lan berri baten prestaketan ere bete betean murgilduko dira laster. Euren jarduna dantza tradizionaletik abiatzen dute, hortik sorkuntza prozesu bat hasiz. Saria irabazi izanak ez du Kukai bere bidetik aterako.