Gizartea -
Bilboko ospetsuak
Bilbok beste lau “ospetsu” eta enbaxadore bat ditu
Daniel Innerarity, Iraia Iturregi, Adolfo Arejita eta Susana Rodriguez dira “ospetsu” berriak, eta enbaxadorea Bilbao Orkestra Sinfonikoa da.
Juan Mari Aburto Bilboko alkateak iragarri du Bizkaiko hiriburuko 2022ko lau "Ospetsu" izendatu dituztela: Daniel Innerarity, Iraia Iturregi, Adolfo Arejita eta Susana Rodriguez. Gainera, Hiriaren 2022ko enbaxadore izendatu du Bilbao Orkestra Sinfonikoa (BOS), joan den martxoan lehen mendeurrena ospatu zuena.
Izendanpenak banatzeko abenduaren 15ean ekitaldi bat izango da udaletxeko Arabiar Aretoan.
HIRIAREN ENBAXADOREA 2022: BILBAO ORKESTRA SINFONIKOA
"Bere mendeurrenean, Bilboren izen ona munduan zehar profesionaltasun eta kalitate handiz zabaltzeagatik, Musikak pertsonak batzen gaituela, eta bihotzak partitura ederren erritmora taupaka jartzen dituela erakutsiz".
Lehen kontzertua 1922an eman zuen, eta, aurten, bere sorreraren mendeurrena ospatzen ari da. Sortu zenetik zenbait zuzendari izan ditu, eta, 2025etik orain arte, Erik Nielsenek dauka zuzendari funtzioa.