Gizartea -

Arkeologia

Iruña-Veleia aztarnategi-eskola eta praktika-laborategia izatea nahi dute euskal erakundeek

Proiektuak bost ardatz ditu: ikerketa, kontserbazioa, interpretazioa, zabalkundea eta gizarte programa eta 2025-2035 ikerketa-proiektuaren plangintza.

AGENTZIAK | EITB MEDIA

Whatsapp Facebook Twitter Telegram Email

Arabako Foru Aldundiak eta Eusko Jaurlaritzak Iruña Veleia hiri erromatarra aztarnategi-eskola eta praktika-laborategi bihurtu nahi dute datozen urteetan. Next Generation kultura funtsetatik "kopuru handi bat" proiektu honetara zuzentzea espero dute erakundeek.

"Iruña Veleia biziberritzeko eta garatzeko proiektua 2022-2025" planaren helburuak dira kultura ondarean ikerketa zientifikoa sustatzea, turismoan kalitatezko kultura eskaintzea eta gizarte balioa sortzea.

Proposamenak hiru denbora tarte ditu jomugan: epe laburrerakoa (2022 eta 2023ko zati baterako, finantzaketa kontsolidatuarekin), epe ertainerakoa (2025era arte, urtea amaitu baino lehen kontsolidatuko dena) eta, azkenik, epe luzerako planaren diseinua (2025-2035).

Halaber, proiektuak bost jarduera ardatz izango ditu. Lehenengoan, ikerketan, aztarnategiko ikerketa arkeologikoko lanei jarraipena egingo zaie. Bigarrenean, kontserbazioa deiturikoan, lehentasuna emango diote arkeologia egiturak kontserbatzeari eta zaharberritzeari, eta hirugarrenean, interpretazioan, bisitarientzako harrera zentro berria eraikiko da.

Laugarrenean, zabalkundea eta gizarte programa deiturikoan, helburua izango da aztarnategia jendarte guztiari ezagutaraztea, eta, horrela, Iruña-Veleia kalitatezko baliabide turistiko eta kultural garrantzitsu bihurtzea. Azkenik, bosgarren ardatzean, 2025-2035 ikerketa-proiektuaren plangintza izango da hizpide, eta horretan kultura ondareari buruzko ikerketa zientifikoko proiektu handi bat diseinatuko dute.

Ana del Val Kultura foru diputatuak gogorarazi du azken 12 urteetan 2,3 milioi euro inbertitu direla aztarnategian. Aurten, zati bat 2023an exekutatuko bada ere, 1,15 milioi euro inbertituko dira.

Hau zure interesekoa bada, baliteke beste gai hauek ere izatea
Herriak eta Hiriak Araba Eusko Jaurlaritza albisteak Euskal Autonomia Erkidegoa Gizartea Albisteak Gaur Kultura Gaurko azken ordukoa Zientzia albisteak Zientzia hedapena gaur Arabako Foru Aldundia azken ordukoa