Gizartea -

Irteera operazioa

Bederatzi kilometroko ilarak izan dira AP-8 autobidean, Irunen

Aste Santuko irteera operazioak pilaketa handiak eragin ditu arratsaldean AP-8 autobidean, Irunen; A-8 autobian, Kantabriarako noranzkoan; eta A-1 autobian, Armiñonen. Normaltasuna itzuli da errepideetara 20:00etatik aurrera.

Pilaketak izan dira AP-8 autobidean, Irunen. Argazkia: @trafikoaEJGV
Pilaketak izan dira AP-8 autobidean, Irunen. Argazkia: @trafikoaEJGV
Pilaketak izan dira AP-8 autobidean, Irunen. Argazkia: @trafikoaEJGV

EITB MEDIA

Whatsapp Facebook Twitter Telegram Email

Aste Santuko irteera operazioa 15:00etan hasi da eta laster sortu dira pilaketak ohiko puntuetan. AP-8 autobidean, Irunen eta Baionako noranzkoan, bederatzi kilometroko ilarak izan dira.

Halaber, Armiñonen, A-1 autobiaren eta AP-1 autobidearen arteko lotunean, Burgosko noranzkoan, sei kilometroko pilaketak izan dira.    

Horrez gain, Mioñon (Kantabria) istripu bat izan da eta lau kilometroko ilarak eragin ditu A-8 autobian, Ortuella eta Muskiz artean, Kantabriarako noranzkoan.

Zirkulazioa normaltasunera bueltatu da hiru gune horietan, 20:00etatik 21:00etara bitartean.  

Aste Santuko irteera operazioan 509.000 desplazamendu izango direla aurreikusi du Eusko Jaurlaritzaren Trafiko Zuzendaritzak, hau da, pandemia aurreko joan-etorri bolumena.

Bidaian joan aurretik, deitu 011 telefonora, Euskal Autonomia Erkidegoan, edo 900 400 100 telefonora, Nafarroan, errepideetako egoera zein den jakiteko. Halaber, ikusi eitb.eus-eko webkamerak edo entzun orduz orduko informazio buletinak Euskadi Irratian eta Radio Euskadin.

 

 

Hau zure interesekoa bada, baliteke beste gai hauek ere izatea
Trafiko Istripuak Trafikoa Bizkaia Gipuzkoa Araba Euskal Autonomia Erkidegoa Gizartea Trafiko webkamerak Eguneko albisteak Albisteak A-8 Autobidea AP-68 autobidea