Gizartea -
trafiko istripuak
Bere burua entregatu du Donostian astelehenean gertatutako istripuaren ostean ihes egin zuen gidariak
Gidariak, ustez, motozale bat zauritu zuen istripua eragin zuen, eta ostegun honetan Udaltzaingoaren aurrean aurkeztu du bere burua.
agentziak | eitb media
Astelehenean, 42 urteko motozale bat zauritu zen beste bi ibilgailurekin izandako istripuan, Donostiako Jose Elosegi alkatearen etorbidean. Ustez ezbeharra eragindako gidariak ihes egin zuen orduan, eta ostegun honetan bere burua entregatu du Morlans auzoko Udaltzaingoaren bulegoan.
Udaletik jakinarazi dutenez, 28 urteko gizonak Morlans auzoko polizia-etxean aurkeztu du bere burua, haren abokatuak lagunduta. Bi ibilgailu eta motozikleta baten arteko istripua astelehenean izan zen, 06:45ean, Gipuzkoako hiriburuko Jose Elosegi alkatearen etorbidean.
Itxuraz istripua eragin zuen autoak bertatik ihes egin zuen, eta motozikletaren gidaria, 42 urteko gizona, ospitalera eraman behar izan zuten, zaurituta.