Ebolaren aurkako protokoloa aktibatu dute, balizko kasu bategatik

Osasun Kontseilaritzak ebolaren birusaren aurkako jarduera-protokolo prebentiboa aktibatu du, Alancateko Sant Joan Ospitalean dagoen paziente batek gaixotasun hori duen susmoaren aurrean.

Generalitateko iturriek jakitera eman dutenez, pazientearen sintoma klinikoa gaixotasun horrena izan daiteke. Uneotan klinikoki egonkor dago, bakartze gune batean.

Hasiera batean, Alacanteko Ospitale Orokorreko larrialdietan artatu dute gaixoa, eta, ebolaren balizko kasu baten aurrean, Sant Joanera eraman dute, Valentzian, La Fe Ospitalearekin batera, ebolaren kasuentzako erreferentziazko ospitalera.

Sant Joaneko Ospitaleko mediku arduradunek gaixoaren probak Mikrobiologia Institutura eraman dituzte, eta emaitzen zain daude. Horiek baieztatu ala ezeztatuko dute kasua.

Osasun Kontseilaritzako iturriak adierazi dutenez, protokoloa aktibatuta “biztanleria balizko kasu batetik babestuta dago”.

Gaixoa duela gutxi izan da Nigerian

Alacanteko San Joan Ospitalean artatzen ari diren gaixoa Nigeriako gizonezko bat da, eta duela gutxi izan da Afrikako herrialdean, ospitaletik azaldu dutenez.

Iturri berberen hitzetan, gizonezkoak 38,3 graduko sukarra zuen iristean, gaixotasun hori izateko balizko aukeraren muga. Sukarraz gain, beste sintometako bat zuen, horri buruzko zehaztapenik eman ez duten arren. Gaixotasunaren sintomak zefalea, beherakoa edota goitika izan daitezke, besteak beste.