Ekonomia -

Android auzia

Europako justiziak Googleri ezarritako isuna berretsi du, 200 milioi euroan murriztu badio ere

Erraldoi teknologikoak aurkeztutako helegitearen zati bati men egin dio Europar Batasuneko Auzitegi Nagusiak. AEBko konpainiak 4.125 milioi euro ordaindu beharko ditu azkenean.

Google 4.125 milioi euro ordaindu beharko ditu. Argazkia: EFE
Google 4.125 milioi euro ordaindu beharko ditu.
Google 4.125 milioi euro ordaindu beharko ditu. Argazkia: EFE

Agentziak | EITB Media

Whatsapp Facebook Twitter Telegram Email

Europar Batasuneko Auzitegi Nagusiak Android eragile sistemaren auzian Europako Batzordeak Google konpainiari ezarritako lau milioi pasatxoko isuna berretsi du gaur. Dena dela, erraldoi teknologikoak aurkeztutako helegitearen zati bati men egin, eta 200 milioi euroan murriztu dio ordaindu beharrekoa. Bruselak inoizko isunik handiena ezarri zion 2018an AEBko konpainiari, teknologia berrien sektorean zuen nagusitasuna baliatu izana egotzita. 

Berez, 4.343 milioi euro ordaintzera zigortu zuen Europako Batzordeak, baina, gaurko epaiaren ondotik, azkenean, 4.125 milioi euro, 200 milioi gutxiago, pagatu beharko du Googlek. 

Besteak beste, konpainiak Google Search bilatzailea edota Chrome nabigatzailea instalatzea exijitzen zien Android erabiltzen zuten sakelakoen ekoizleei.

Hau zure interesekoa bada, baliteke beste gai hauek ere izatea
Teknologia Europar Batasuna Europa Multinazionalak Google Ekonomia Eguneko albisteak Albisteak Internet Isunak