cerrar buscador

18:15

Ekonomia

Lan-gatazka

Sindikatuek bi asteko greba deitu dute Bizkaiko kiroldegietan

AGENTZIAK | ERREDAKZIOA

Lan-hitzarmena aldarrikatzeko lanuzteak urriaren 28tik azaroaren 10era bitartean egingo dituzte.

  • Bizkaiko kiroldegietako langileek Bilbon egindako manifestazio bat.

    Bizkaiko kiroldegietako langileek Bilbon egindako manifestazio bat. Argazkia: ELA

  • Whatsapp
  • Whatsapp
  • Bidali

ELA, LAB, CCOO eta UGT sindikatuek bi asteko greba deitu Bizkaiko igerileku eta kiroldegietan. Lanuzteak urriaren 28tik azaroaren 10era bitartean izango dira.

ELA sindikatuak jakinarazi duenez, gaur goizean erregistratu dute grebarako deialdia. 2.000 langile inguru aritzen dira Bizkaiko udal kiroldegietan eta klub pribatuetan beharrean.

Sektore horretarako lan-hitzarmen bat adostea eskatzen dute. Besteak beste, hauek dira beren aldarrikapenak: soldata igotzea, erreferentziazko lanaldia ezartzea –langileen % 80k kontratu partzialak dituzte-, jaiegunetan lan egiteagatik jasotako konpentsazioa hobetzea eta kategoria profesional bakoitzaren funtzioak zehaztea.

Bizkaiko kiroldegietako langileek hainbat mobilizazio eta greba egin zituzten uda hasieran beren lan-baldintzak hobetzea eskatzeko. Uda amaituta, berriro abiaraziko dituzte mobilizazioak.

Iruzkinak

    logo eitb nahieran
    NAHIERAN Ikusi berriro ETBko albistegiak NAHIERAN

    Bisitatuena

      Kargatzen ikusiena
      Kargatzen ikusiena